ହାଇଦ୍ରାବାଦ: ଆଜି ମହାନ ଜନନାୟକ ଏପିଜେ ଅବଦୁଲ କଲାମଙ୍କ 88ତମ ଜନ୍ମ ଜୟନ୍ତୀ । 1931 ଅକ୍ଟୋବର ଆଜିର ଦିନରେ ଧରାପୃଷ୍ଠରେ ପାଦ ଥାପିଥିଲେ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ । ତେବେ ତାଙ୍କ ଜନ୍ମ ଜୟନ୍ତୀରେ କ୍ରୀଡା ଜଗତ ଟ୍ବିଟ ଯୋଗେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛି ।
ପୂର୍ବତନ କ୍ରିକେଟର ତଥା ବିଜେପି ସାଂସଦ ଗୌତମ ଗମ୍ଭୀର କଲାମଙ୍କ ଏକ ହିନ୍ଦି ପଂକ୍ତି ଟ୍ବିଟ କରି ଶ୍ରଦ୍ଧାଞ୍ଜଳି ଜଣାଇଛନ୍ତି ।
ସେହିପରି ଭାରତୀୟ ଦଳର ପୂର୍ବତନ ଓପନର ବିରେନ୍ଦ୍ର ସେହ୍ବାଗ କଲାମଙ୍କ ସହିତ ତାଙ୍କର ଏକ ଫଟୋ ଟ୍ବିଟ କରିଛନ୍ତି । ସେହ୍ବାଗ ଲେଖିଛନ୍ତି, ପୃଥିବୀରେ ପାଦ ଦେଇଥିବା ସର୍ବଶ୍ରେଷ୍ଠ ଭାରତୀୟଙ୍କୁ ମୋର ନମସ୍କାର ।
ସେହିପରି ଭାରତୀୟ ଓପନର ଶିଖର ଧୱନ, ଭିଭିଏସ ଲକ୍ଷ୍ମଣ ଓ ମହମ୍ମଦ କୈଫ ଟ୍ବିଟ କରି କଲାମଙ୍କୁ ଶ୍ରଦ୍ଧାଞ୍ଚଳି ଜଣାଇଛନ୍ତି ।
