ହାଇଦ୍ରାବାଦ: ଟେଷ୍ଟ ସିରିଜରେ ପରାଜୟ ପରେ ଚିନ୍ତାରେ ଅଛନ୍ତି ଦକ୍ଷିଣ ଆଫ୍ରିକା ଖେଳାଳି । ତେବେ ଦକ୍ଷିଣ ଆଫ୍ରିକା ଅଧିନାୟକ ଫାଫ ଡୁ ପ୍ଲେସିସ କହିଛନ୍ତି ଯେ, ଯଦି କ୍ରିକେଟରେ ଟସ ପଡି ନଥାନ୍ତା ତେବେ ଭ୍ରମଣକାରୀ ଦଳ ଭାବରେ ତାଙ୍କୁ ବ୍ୟାଟିଂ କରିବାର ସୁଯୋଗ ମିଳିଥା’ନ୍ତା ଓ ସେମାନେ ଭଲ ପ୍ରଦର୍ଶନ କରିଥାନ୍ତେ ନିଶ୍ଚିତ । 3 ମ୍ୟାଚ ବିଶିଷ୍ଟ ସିରିଜର 2ଟି ମ୍ୟାଚରେ ଦକ୍ଷିଣ ଆଫ୍ରିକାକୁ ଦୁଇ ଥର ଲଜ୍ୟା ଜନକ ଇନିଂସ ପରାଜୟ ମିଳିଥିଲା ।
ସୋସିଆଲ ମିଡିଆରେ ଡୁ ପ୍ଲେସିସଙ୍କ ଏହି ବୟାନ ପରେ କ୍ରିକେଟ ପ୍ରଶଂସକ ତାଙ୍କୁ ଖୁବ ଟ୍ରୋଲ କରିଥିଲେ । ଫ୍ୟାନ୍ସ କହିଛନ୍ତି ଯେ ହାରିଯିବା ପରେ ଏହା କେବଳ ଡୁ ପ୍ଲେସିସଙ୍କ ବାହାନା ।
ଜଣେ ଫ୍ୟାନ ଲେଖିଛନ୍ତି ଯେ, ‘ଯଦି ଆପଣ ଭାବୁଛନ୍ତି ଯେ ଫାଫ ଡୁ ପ୍ଲେସିସ ଭୟଙ୍କର ବୟାନ ଦେଇ ଥକି ଯାଇଛନ୍ତି ତେବେ ଆପଣ ଭୁଲ ଭାବୁଛନ୍ତି । ଏହି ବ୍ୟକ୍ତି ଅଟକିବ ନାହିଁ ।’
ଆଉ ଜଣେ ଫ୍ୟାନ ଲେଖିଛନ୍ତି ଯେ, ‘ଯଦି ଟିମର ଅଧିନାୟକ ଏପରି ମାନସିକତା ରଖିବେ ତେବେ ଟିମ କେବେ ବି ମ୍ୟାଚରେ ଜିତି ପାରିବ ନାହିଁ । ବିଶ୍ବକପରେ ଆପଣ ଦେଖିଥିଲେ । ଭାରତ ଟେଷ୍ଟ ସିରିଜରେ ମଧ୍ୟ ଆପଣ ଦେଖିଲେ । ଫାଫଙ୍କୁ ତାହା କରିବାର ଆବଶ୍ୟକତା ଅଛି ଯାହା କୋହଲି ଦକ୍ଷିଣ ଆଫ୍ରିକାରେ ଦୁଇଟି ଟେଷ୍ଟ ପରେ କରିଥିଲେ ।
