ହାଇଦ୍ରାବାଦ: 17 ବର୍ଷ ବୟସରେ ଭାରତ ପାଇଁ ୱିକେଟ କିପିଙ୍ଗ କରିଥିବା ସର୍ବ କନିଷ୍ଠ ୱିକେଟ କିପର ପାର୍ଥିବ ପଟେଲ ଯୁବ ୱିକେଟ କିପର ଋଷଭ ପନ୍ତଙ୍କୁ ଦେଇଛନ୍ତି ଗୁରୁମନ୍ତ୍ର । ସେ କହିଛନ୍ତି ଯେ ବର୍ତ୍ତମାନ ପନ୍ତ ଭଲ ପ୍ରଦର୍ଶନ କରିପାରୁ ନାହାଁନ୍ତି ତେଣୁ ତାଙ୍କୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଉଛି, ତେବେ ପନ୍ତ ସେ ସମସ୍ତ କଥା ନଶୁଣି ନିଜ ପ୍ରଦର୍ଶନ ଉପରେ ଧ୍ୟାନ ଦେବା ଉଚିତ ।
ରିଦ୍ଧିମାନ ଶାହାଙ୍କୁ ନେଇ ମଧ୍ୟ ମତ ରଖିଛନ୍ତି ପାର୍ଥିବ । ଟେଷ୍ଟ କ୍ରିକେଟର ମାନ୍ୟତା ପ୍ରାପ୍ତ ୱିକେଟ କିପର ରିଦ୍ଧିମାନ ଶାହା ବର୍ତ୍ତମାନ ବିଶ୍ବର ଶ୍ରେଷ୍ଠ ୱିକେଟ କିପର ବୋଲି ସେ କହିଛନ୍ତି । ଗୁରୁବାର କୋଲକାତା ଠାରେ ଗୁଜୁରାଟ ବନାମ ପଶ୍ଚିମବଙ୍ଗ ମ୍ୟାଚ ସମୟରେ ଏହା କହିଛନ୍ତି ପାର୍ଥିବ ।
ଆଜିର ଯୁବ ପିଢୀଙ୍କୁ ଅନୁଭବୀ ଖେଳାଳିଙ୍କ ସହ ଖେଳାବାକୁ ସୁଯୋଗ ମଳୁଛି । କିନ୍ତୁ ଯଦି ଆପଣଙ୍କ ଖରାପ ପ୍ରଦର୍ଶନ ସହ ସଂଘର୍ଷ କରୁଛନ୍ତି ତେବେ ଆପଣଙ୍କୁ ଅନେକ ସମାଲୋଚନାର ଶିକାର ହେବାକୁ ପଡିଥାଏ । କିନ୍ତୁ ଏସବୁ ଠାରୁ ନିଜକୁ ଦୂରେଇ ରଖି ଖେଳ ଉପରେ ଧ୍ୟାନ ଦେବା ଜରୁରୀ ଅଟେ ବୋଲି କହିଛନ୍ତି ପଟେଲ ।
ଯଦି ଆପଣ ଭାରତ ପାଇଁ ଖେଳୁଛନ୍ତି, ତେବେ ଆପଣଙ୍କ ଉପରେ ଚାପ ରହିଥାଏ । ସବୁ ଖେଳାଳିଙ୍କର ଭିନ୍ନ ଭିନ୍ନ ପରିସ୍ଥିତି ନେଇ ଚାପ ରହିଥାଏ । ସେତେବେଳେ ଆପଣ ନିଜ ଦକ୍ଷତା ଉପରେ ବିଶ୍ବାସ କରି ଖେଳିବା ଉଚିତ ।
ପନ୍ତଙ୍କ ୱିକେଟ କିପିଙ୍ଗ ନେଇ 34 ବର୍ଷୀୟ ଏହି ଖେଳାଳି କହିଛନ୍ତି, ପନ୍ତ ନିଶ୍ଚୟ ଜଣେ ଭଲ ଖେଳାଳି ନେଚତ ତାଙ୍କୁ ଭାରତୀୟ ଦଳରେ ସ୍ଥାନ ମିଳି ନଥାନ୍ତା । ଇଂଲଣ୍ଡ ଭଳି ସ୍ଥାନରେ ସେ ତାଙ୍କ ଟେଷ୍ଟ ଟେବ୍ୟୁ କରିଛନ୍ତି । ସେ ଜଣେ ଯୁବ ଖେଳାଳି, ତାଙ୍କୁ କେବଳ ଆତ୍ମବିଶ୍ବାସର ଆବଶ୍ୟକତା ରହିଛି । ଏହା କେବଳ 2-3ଟି ଭଲ ଇଂନିସର କଥା ।
ଯେତେବେଳେ ଟିମ ଓ ମ୍ୟାନେଜମେଣ୍ଟର ସମର୍ଥନ ଆପଣଙ୍କ ସହ ଥାଏ ଆପଣଙ୍କୁ ଚିନ୍ତା କରିବାର କୌଣସି ଆବଶ୍ୟକତା ନାହିଁ ବୋଲି ପାର୍ଥିବ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
