ମୁମ୍ବାଇ: ଗତ 2018-19 କ୍ରିକେଟ ବର୍ଷରେ ଅଷ୍ଟ୍ରେଲିଆର ଡେ-ନାଇଟ ଟେଷ୍ଟ ମ୍ୟାଚର ନିମନ୍ତ୍ରଣକୁ ପ୍ରତ୍ୟାଖାନ କରିଥିଲା ଭାରତ । ମାତ୍ର ଏବେ ଅଷ୍ଟ୍ରେଲିଆରେ ଡେ-ନାଇଟ ଟେଷ୍ଟ ମ୍ୟାଚ ଖେଳିବାକୁ ରାଜି ହୋଇଛନ୍ତି ଭାରତୀୟ ଦଳର ଅଧିନାକୟ ବିରାଟ କୋହଲି । ବିଶ୍ବର କୌଣସି ସ୍ଥାନରେ ଭାରତ ଡେ-ନାଇଟ ଟେଷ୍ଟ (ପିଙ୍କ ବଲ ଟେଷ୍ଟ) ଖେଳିପାରିବ ବୋଲି କହିଛନ୍ତି କ୍ୟାପଟେନ କୋହଲି ।
କୋହଲି କହିଛନ୍ତି, " ଆମେ ଏଠାରେ(ଭାରତ) ଡେ-ନାଇଟ ଟେଷ୍ଟ ମ୍ୟାଚ ଖେଳି ସାରିଛୁ । ଏହା ଖୁବ ରୋମାଞ୍ଚକର ଥିଲା । ତେଣୁ ଆମେ ଆଗାମୀ ଦିନରେ ମଧ୍ୟ ଏହି ପିଙ୍କ ବଲ ଟେଷ୍ଟ ସିରିଜ ଖେଳିବାକୁ ପ୍ରସ୍ତୁତ । ଆମେ କୌଣସି ଚ୍ୟାଲେଞ୍ଜ ଗ୍ରହଣ କରିବାକୁ ବି ପ୍ରସ୍ତୁତ । ଆମେ କୌଣସି ସ୍ଥାନରେ ଏହି ଟେଷ୍ଟ ମ୍ୟାଚ ଖେଳି ପାରିବୁ । ଅଷ୍ଟ୍ରେଲିଆର ଗାବା ହେଉ କି ପର୍ଥ, ଆମେ ସବୁ ସ୍ଥାନରେ ଖେଳିବାକୁ ପ୍ରସ୍ତୁତ ।"
ଉଲ୍ଲେଖଥାଉ କି, ଗତ ବର୍ଷ ଜାନୁଆରୀରେ ଅଷ୍ଟ୍ରେଲିଆ ମାଟିରେ ଟେଷ୍ଟ ସିରିଜ ଜିତି ଇତିହାସ ରଚିଥିଲା ଭାରତ । ଅଷ୍ଟ୍ରେଲିଆ ବିପକ୍ଷରେ 2-1ରେ ଟେଷ୍ଟ ସିରିଜ ଜିତି ଥିଲା ଭ୍ରମଣକାରୀ ଭାରତ ।
