ଇସଲାମାବାଦ: ଭାରତରେ ଆଇପିଏଲର ଚଳିତ ସିଜିନ ବାତିଲ ହେବା ପରେ ପାକିସ୍ତାନକୁ ଘାରିଛି କୋରୋନା ଭୟ । ପାକିସ୍ତାନ ସୁପର ଲିଗରେ ଏବେ 4 ଦିନିଆ ନକ ଆଉଟ ବଦଳରେ ଦୁଇ ଦିନିକଆ ନକଆଉଟ ହେବ । ତେବେ କୋରୋନା ଭୟ ପାଇଁ ପିଏସଏଲର ଚାରି ଦିନିଆ ପ୍ଲେ ଅଫକୁ ଦୁଇ ଦିନିଆ କରିଛି ପାକିସ୍ତାନ ।
ପିସିବି କହିଛି, ‘ପାକିସ୍ତାନ ସୁପର ଲିଗ୍ 2020ର ମ୍ୟାଚ ଏବେ 34ଟି ତୁଳନାରେ ବର୍ତ୍ତମାନ 33ଟି ମ୍ୟାଚ ଖେଳାଯିବ । ସଂଶୋଧିତ କାର୍ଯ୍ୟସୂଚୀ ଅନୁଯାୟୀ, 17 ମାର୍ଚ୍ଚ ସେମିଫାଇନାଲ ଡବଲ ହେଡର ହେବ । ଯାହାକି ଗାଡଫି ଷ୍ଟାଡିୟମରେ ଅନୁଷ୍ଠିତ ହେବ । ଟେବୁଲ ଟପ୍ପରମାନେ ଚତୁର୍ଥ ସ୍ଥାନ ସହ ଅପରାହ୍ନ 2ଟାରେ ମୁହାଁମୁହିଁ ହେବେ । ଦ୍ବିତୀୟ ସେମିଫାଇନାଲ, ଯାହା ଦ୍ବିତୀୟ ଏବଂ ତୃତୀୟ ସ୍ଥାନିତ ଦଳ ମଧ୍ୟରେ ସନ୍ଧ୍ୟା 7 ଟାରୁ ଆରମ୍ଭ ହେବ |’
ସେହିପରି ଫାଇନାଲ୍ 18 ମାର୍ଚ୍ଚରେ ଖେଳାଯିବ ଏବଂ ସନ୍ଧ୍ୟା 7 ଟାରୁ ଆରମ୍ଭ ହେବ। ଦଳର ମାଲିକଙ୍କ ପରାମର୍ଶ କ୍ରମେ ଏହି ସବୁ ପରିବର୍ତ୍ତନ କରାଯାଇଛି ବୋଲି ପିସିବି କହିଛି ।
