କଟକ: ଆସନ୍ତା ଶୁକ୍ରାବାର (ସେପ୍ଟେମ୍ବର 27)ରେ ଅନୁଷ୍ଠିତ ହେବ ଓଡିଶା କ୍ରିକେଟ ଆସୋସିଏସନର ନିର୍ବାଚନ । ତେବେ ନିର୍ବାଚନକୁ ଅବାଧ ଓ ସ୍ବଚ୍ଛ କରିବା ପାଇଁ ଜାରି କରାଯାଇଛି ପ୍ରୋଟୋକଲ । ନିର୍ବାଚନ ଅଧିକାରୀ ଓ ଭୋଟରମାନଙ୍କ ଦ୍ବାରା ଯେପରି କୌଣସି ପ୍ରକାର ତ୍ରୁଟି ପରିଲକ୍ଷିତ ନ ହୁଏ ସେ ନେଇ ବୁଧାବାର (ଆଜି) ନୋଟିସ ଜାରି କରିଛନ୍ତି ଓସିଏ ନିର୍ବଚନ କମିଶନର ଏଲଏମ ମଜୁମଦାର ।
ତେବେ ନିର୍ବାଚନ ପରିଚାଳନା କରୁଥିବା ଅଧକାରୀ ମଧ୍ୟ ଏହି ନିୟମ ଅନ୍ତର୍ଭୁକ୍ତ । ସ୍ଵତନ୍ତ୍ର ରଙ୍ଗର କାର୍ଡ ମଧ୍ୟ ପରିଧାନ କରିବେ ଅଧକାରୀ । ନିର୍ବାଚନ ଅଧକାରୀ ଗ୍ରୀନ ରଙ୍ଗର କାର୍ଡ, ନିର୍ବାଚନ ପର୍ଯ୍ୟବେକ୍ଷକ ବ୍ଲୁ ରଙ୍ଗର କାର୍ଡ ବ୍ୟବହାର କରିବେ । ସେହିପରି ଓସିଏର କର୍ମକର୍ତା ଓ ଅଧିକାରୀ ମଧ୍ୟ ପିଙ୍କ ରଙ୍ଗର କାର୍ଡ ବ୍ୟବହାର କରିବେ ।
ଅନ୍ୟପଟେ ଭୋଟରମାନଙ୍କ ପାଇଁ ଅନେକ ନିୟମ କାନୁନ ଲାଗୁ କରିଛନ୍ତି ନିର୍ବାଚନ କମିଶନର । ଯେପରି ଓସିଏ ହଲରେ ଧୂମ୍ରପାନ ନକରିବା, ଉଚ୍ଚ ସ୍ବରରେ ନ କଥା ହେବା, ମୋବାଇଲ , ବିଦ୍ୟୁତ ଚଳିତ ଯନ୍ତ୍ରକୁ ଗେଟ ବାହାରେ ରଖିବା ଆଦି ପ୍ରୋଟୋକଲରେ ଉଲ୍ଲେଖ ରହିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
