ହାଇଦ୍ରାବାଦ: କୋରୋନା ଭାଇରସକୁ ନେଇ ଆତଙ୍କିତ ବିଶ୍ୱ । ଏହି ମାରାତ୍ମକ ଭାଇରସରେ ଏଯାବତ 3,831 ଜୀବନ ଯାଇସାରିଲାଣି । ପ୍ରାୟ 43,965 ଜଣ COVID-19 କୋରୋନା ଭୂତାଣୁରେ ସଂକ୍ରମିତ ଅଛନ୍ତି । ସେଥିମଧ୍ୟରୁ 5,977 ଜଣଙ୍କର ଅବସ୍ଥା ଗୁରୁତର ଥିବା ଜଣାପଡିଛି ।
ତେବେ ଏପରି ସମୟରେ ଅଷ୍ଟ୍ରେଲିଆ କ୍ରିକେଟ ଟିମର ମୁଖ୍ୟ କୋଚ ଜଷ୍ଟିନ ଲାଙ୍ଗର, କୋରୋନା ଭାଇରସକୁ ନେଇ ମତ ରଖିଛନ୍ତି । 'ଅଷ୍ଟ୍ରେଲିଆ ଖେଳାଳିଙ୍କ କିଟ୍ବ୍ୟାଗରେ ଯଥେଷ୍ଟ ସଂଖ୍ୟାରେ ସାନିଟାଇଜର କହିଛି । ସେଥିପାଇଁ ଟିମ ହାତ ମିଳାଇବାକୁ କୁଣ୍ଠାବୋଧ କରିବ ନାହିଁ ' ବୋଲି ସେ କହିଛନ୍ତି ।
ଆଗାମୀ ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜରେ ମଧ୍ୟ ଅଷ୍ଟ୍ରେଲିଆ ପାରମ୍ପରିକ ହାତ ମିଳାଇବା ଜାରି ରଖିବ । ଦିନିକିଆ ସିରିଜରେ ଦକ୍ଷିଣ ଆଫ୍ରିକା 0-3ରେ ସିରିଜ ପରାଜୟ ଭୋଗିଛି ଅଷ୍ଟ୍ରେଲିଆ । ତେବେ ପୂର୍ବରୁ ଇଂଲଣ୍ଡ ଖେଳାଳି, ଶ୍ରୀଲଙ୍କା ଗସ୍ତରେ ହାତ ମିଳାଇବେ ନାହିଁ ବୋଲି କ୍ୟାପଟେନ ଜୋ ରୁଟ କହିଥିଲେ ।
