ନୂଆଦିଲ୍ଲୀ: ଆଇପିଏଲରେ ଉତ୍ତମ ପ୍ରଦର୍ଶନ କରି ଆଗାମୀ ବିଶ୍ବକପ ପାଇଁ ଏକ ପ୍ରମୁଖ ଦାବିଦାର ଭାବେ ଉଦ୍ଭାହୋଇଛନ୍ତି ରିଷଭ ପନ୍ତ । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଖେଳୁଥିବା ରିଷଭ ଏପର୍ଯ୍ୟନ୍ତ ଉଭୟ ବ୍ୟାଟିଂ ଓ ୱିକେଟ୍ କିପିଂରେ ଚତ୍ମକାର ପ୍ରଦର୍ଶନ କରିଛନ୍ତି । ଏହି ଅବସରରେ ସେ ନିଜ ଦଳ ଦିଲ୍ଲୀ ପାଇଁ ଏକ ରେକର୍ଡ ସୃଷ୍ଟି କରିବାକୁ ଯାଉଛନ୍ତି ।
ଏଥର ଆଇପିଏଲ୍ ରିଷଭଙ୍କର ଦିଲ୍ଲୀ ପାଇଁ 4ର୍ଥ ସିଜିନ । 4ଟି ସଂସ୍କରଣରୁ ଏପର୍ଯ୍ୟନ୍ତ ସେ 42ଟି ମ୍ୟାଚରୁ ମୋଟ୍ 1401 ରନ ସଂଗ୍ରହ କରିଛନ୍ତି । ସେ ଯଦି ଆଉ 35 ରନ କରିବେ ତେବେ ଦିଲ୍ଲୀ ପାଇଁ ସର୍ବାଧିକ ରନ ସଂଗ୍ରହ ତାଲିକାରେ ସେ 2ୟ ସ୍ଥାନକୁ ଉନ୍ନୀତ ହେବେ । ଏହି ତାଲିକାରେ ଏବେ ବୀରେନ୍ଦ୍ର ସେୱାଗ ଲିଡ କରୁଛନ୍ତି । ଦିଲ୍ଲୀ ପାଇଁ ସେୱାଗ ମୋଟ୍ 2175 ରନ କରିଛନ୍ତି ।
ଏହି ତାଲିକାରେ 2ୟ ସ୍ଥାନରେ ଡେଭିଡ୍ ୱାର୍ଣ୍ଣର ଅଛନ୍ତି । ସେ ମୋଟ୍ 1435 ରନ କରିଥିବାବେଳେ ପନ୍ତ ଆଉ 35 ରନ କଲେ ୱାର୍ଣ୍ଣରଙ୍କୁ ପଛରେ ପକାଇବେ । ଗତ କିଛି ସିଜିନରେ ହାଇଦ୍ରାବାଦ ପାଇଁ ଖେଳୁଥିବା ଅଷ୍ଟ୍ରେଲିଆର ୱାର୍ଣ୍ଣର ପୂର୍ବରୁ ଦିଲ୍ଲୀ ଡେୟାରଡେଭିଲ୍ସ (ଦିଲ୍ଲୀ କ୍ୟାପିଟାଲ୍ସ) ପାଇଁ ଖେଳିସାରିଛନ୍ତି ।
ଉଲ୍ଲେଖଯୋଗ୍ୟ ଯେ, ଗତକାଲି ଖେଳାଯାଇଥିବା ମ୍ୟାଚରେ ପଞ୍ଜାବ ଦିଲ୍ଲୀକୁ 14 ରନରେ ପରାସ୍ତ କରିଥିଲା । ଏହି ମ୍ୟାଚରେ ରିଷଭ 39 ରନ ସ୍କୋର କରି ଆଉଟ୍ ହୋଇଥିଲେ ।
