ଇସଲାମାବାଦ: ପାକିସ୍ତାନୀ କ୍ରିକେଟର ଉମର ଆକମଲ ନିଲମ୍ବିତ। ପିସିବିର ଦୁର୍ନୀତି ନିରୋଧ ଆଇନର ଧାରା 4.7.1 ଅନୁଯାୟୀ ଉମରଙ୍କ ମାମଲାର ତଦନ୍ତ ଚାଲିବା ପର୍ଯ୍ୟନ୍ତ ସେ କୌଣସି ମ୍ୟାଚ ଖେଳି ପାରିବେ ନାହିଁ । ତେବେ ଏନେଇ ଅନ୍ୟ କୌଣସି ସୂଚନା ଦେଇ ନାହିଁ ବୋର୍ଡ ।
ସୂଚନା ଅନୁଯାୟୀ ଉମର ଅନେକ ସମୟ ଧରି ବିବାଦ ଘେରରେ ରହି ଆସିଛନ୍ତି । କିନ୍ତୁ ବର୍ତ୍ତମାନ ତାଙ୍କ ଉପରେ କେଉଁ ସବୁ ଚାର୍ଜ ଲାଗିଛି ତାହା ସ୍ପଷ୍ଟ ହୋଇ ପାରିନାହିଁ । ତେବେ କିଛିଦିନ ତଳେ ସେ ଲାହୋର ସ୍ଥିତ ନ୍ୟାସନାଲ କ୍ରିକେଟ ଏକାଡେମିରେ ଫିଟନେସ ପରୀକ୍ଷା ବେଳେ ଜଣେ ଷ୍ଟାଫଙ୍କ ସହ ଦୁର୍ବ୍ୟବହାର କରିଥିଲେ ।
ତଦନ୍ତ ଚାଲିଥିବା ବେଳେ ସେ କୌଣସି ପ୍ରକାରର କ୍ରିକେଟ ଖେଳିପାରିବେ ନାହିଁ ବୋଲି ବୋର୍ଡ ପକ୍ଷରୁ ଘୋଷଣା କରାଯାଇଛି । ତାଙ୍କୁ ପାକିସ୍ତାନ ସୁପରଲିଗ (ପିଏସଏଲ) ଖେଳିବାରୁ ମଧ୍ୟ ବାଦ ଦିଆଯାଇଛି । ତେବେ ଉମର ଖେଳୁଥିବା ଟିମ କ୍ବେଟା ଗ୍ରାଡିଏଟର୍ସଙ୍କୁ ଉମରଙ୍କ ବଦଳରେ ଅନ୍ୟ ଖେଳାଳି ପାଇଁ ଆବେଦନ କରିବାକୁ ଅନୁମତି ମିଳିଛି ।
@ANI
