ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଟିମ ଇଣ୍ଡିଆର ନୂଆ ମୁଖ୍ୟ କୋଚ ଲାଗି ଆବେଦନ ଗ୍ରହଣ କରୁଛି । ତେବେ ଏହି ପଦ ପାଇଁ ପ୍ରାୟ 2 ହଜାରରୁ ଅଧିକ ଆବେଦନ ଆସିଛି ବୋଲି ଜଣାପଡିଛି ।
2017ରେ ଟିମ ଇଣ୍ଡିଆର କୋଚ ନିଯୁକ୍ତ ହୋଇଥିଲେ ପୂର୍ବତନ ଭାରତୀୟ କ୍ରିକେଟର ଓ କମେଣ୍ଟେଟର ରବି ଶାସ୍ତ୍ରୀ । 2019ରେ 2 ବର୍ଷ ପରେ ତାଙ୍କର କାର୍ଯ୍ୟକାଳ ଶେଷ ହୋଇଛି । ସେଥିପାଇଁ ନୂଆ କୋଚ ଓ ସପୋର୍ଟ ଷ୍ଟାଫ ଚୟନ ନେଇ ବିଜ୍ଞପ୍ତି ପ୍ରକାଶ କରିଥିଲା ବିସିସିଆଇ ।
ତେବେ ଟିମ ଇଣ୍ଡିଆର ମୁଖ୍ୟ କୋଚ ପାଇଁ ଆବେଦନ କରିଥିବା ବ୍ୟକ୍ତିମାନଙ୍କ ମଧ୍ୟରେ କିଛି ଚର୍ଚ୍ଚିତ ଓ ଅଭିଜ୍ଞ କୋଚ ମଧ୍ୟ ଅଛନ୍ତି । ସେମାନଙ୍କ ମଧ୍ୟରେ ଟମ ମୁଡି, କିଙ୍ଗ୍ସ ଇଲେଭେନ ପଞ୍ଜାବର କୋଚ ମାଇକ ହେସନ ମୁମ୍ବାଇ ଇଣ୍ଡିଆନ୍ସର ଫିଲ୍ଡିଂ କୋଚ ରବିନ ସିଂହ, ଲାଲଚାନ୍ଦ ରାଜପୁତ ଅଛନ୍ତି । ଫିଲ୍ଡିଂ କୋଚ ପାଇଁ ଦକ୍ଷିଣ ଆଫ୍ରିକାର ଭେଟେରାନ କ୍ରିକେଟର ଜଣ୍ଟି ରୋହଡସ ଆବେଦନ କରିଛନ୍ତି ।
