ହାଇଦ୍ରାବାଦ: ନିଜ ଆଦର୍ଶ ସଚିନ ତେନ୍ଦୁଲକର ଓ ମହାନ ବ୍ୟାଟ୍ସମ୍ୟାନ ସେହୱାଗଙ୍କ ସହ ବ୍ୟାଟିଂ କରିବା ଠାରୁ ଆରମ୍ଭ କରି ଭାରତୀୟ କ୍ରିକେଟ ଟିମର ଅଧିନାୟକ ହେବା ପର୍ଯ୍ୟନ୍ତ ଅନେକ ବାଟ ଅତିକ୍ରମ କରିଛନ୍ତି ବିରାଟ କୋହଲି । ଜିତ ପାଇଁ ସବୁବେଳେ ତାଙ୍କ ଦୃଢ଼ ଇଚ୍ଛାଶକ୍ତି ଓ ଯେକୌଣସି ବୋଲିଂ ଆଟାକ ବିପକ୍ଷରେ ରନ ସ୍କୋର କରିବାର ଭୋକ କୋହଲିଙ୍କୁ ଏକ ମହାନ ଖେଳାଳି କରି ପାରିଛି ।
ଧୋନିଙ୍କ ନେତୃତ୍ବରେ ଯେତେବେଳେ 2011 ବିଶ୍ବକପ ଜିତିଥିଲା କୋହଲି ମାତ୍ର 22 ବର୍ଷର ହୋଇଥିଲେ । ପୁଚକା ଗାଲ ଥିବା ଯୁବ ବିରାଟ କୋହଲି, ଯାହାଙ୍କୁ ଫ୍ୟାନ୍ସ ଓ ତାଙ୍କ ସାଙ୍ଗମାନେ ‘ଚିକୁ’ ବୋଲି ବି ଜାଣନ୍ତି, ବ୍ୟାଟିଂ ଶିଖିଲେ, ପ୍ରତିକୁଳ ପରିସ୍ଥିତିକୁ କିପରି ସମ୍ଭାଳି ହେବ ତାହା ମଧ୍ୟ ସେ ସିନିୟର ଖେଳିଳାଙ୍କ ଠାରୁ ଶିଖିଛନ୍ତି ସେ ।
ପ୍ୟାଡି ଅପଟନ, ଯିଏ କି 2011 ବିଶ୍ବ ବିଜୟ ବେଳେ ଟିମ ଇଣ୍ଡିଆର ଷ୍ଟ୍ରେନ୍ଥ ଓ ମେଣ୍ଟାଲ କଣ୍ଡିଶନିଙ୍ଗ କୋଚ ଥିଲେ, ସେ କହିଛନ୍ତି ଯେ ଅଧିକ ଓଜନ ଥିବା ବିରାଟ କୋହଲିରୁ ବିଶ୍ବର ସବୁଠାରୁ ଫିଟ କ୍ରିକେଟର ହେବା ଭିତରେ ବିରାଟଙ୍କ ମଧ୍ୟରେ ଆସିଛି ଅନେକ ପରିବର୍ତ୍ତନ ।
‘ମୁଁ ଭାବୁଛି ବିରାଟଙ୍କ ଜୀବନର ଟର୍ଣ୍ଣିଂ ପଏଣ୍ଟ ହେଉଛି ସେ ଯେତେବେଳେ ହୃଦବୋଧ କଲେ ତାଙ୍କ ଓଜନ ବଢ଼ିଯାଇଛି ବୋଲି । ଆଉ ତାଙ୍କୁ ବିଶ୍ବର ଫିଟ ଖେଳାଳିଙ୍କ ମଧ୍ୟରେ ଜଣେ ହେବାକୁ ପଡିବ । ତାଙ୍କ ସ୍ବଭାବରେ ଏହି ପରିବର୍ତ୍ତନ ହିଁ ତାଙ୍କୁ ଆଜି ଶ୍ରେଷ୍ଠ କରି ଗଢ଼ି ତୋଳିଛି ।’ ବୋଲି କହିଛନ୍ତି ଅପଟନ । କୋହଲିଙ୍କୁ ବେଶ ପ୍ରଶଂସା କରିଛନ୍ତି ଅପଟନ । କୋହଲି ଜଣେ ଭାବ ବିହ୍ବଳ ଅଧିନାୟକ ବୋଲି କହିଛନ୍ତି ସେ ।
