କାନବେରା: ଆରୋନ ପିଞ୍ଚଙ୍କ ନେତୃତାଧିନ ଅଷ୍ଟ୍ରେଲିଆ, ବୁଧବାର ଆଇସିସି ପୁରୁଷ କ୍ରିକେଟ ବିଶ୍ବକପ ସୁପର ଲିଗ ପଏଣ୍ଟ ଟେବୁଲର ଶୀର୍ଷକୁ ଉନ୍ନୀତ ହୋଇଛି । ଭାରତ ବିପକ୍ଷ 3 ଟିକିଆ ଦିନିକିଆ ସିରିଜକୁ 2-1ରେ ହାତଇବା ପରେ ଏହି ସଫଳତା ହାସଲ କରିଛି କଙ୍ଗାରୁ ଦଳ ।
ଏହି ସିରିଜରୁ ଆୟୋଜକ ଅଷ୍ଟ୍ରେଲିଆ 40 ପଏଣ୍ଟ ହାସଲ କରିଛି । ଅନ୍ୟପଟେ ତୃତୀୟ ତଥା ଶେଷ ଦିନିକିଆକୁ 13 ରନରେ ଜିତି ଦିନିକିଆ ସୁପର ଲିଗର ପ୍ରଥମ ପଏଣ୍ଟ ହାସଲ କରିଛି ଭାରତ ।
ମୋଟ 9 ପଏଣ୍ଟ ସହ ତାଲିକାର ଷଷ୍ଠ ସ୍ଥାନରେ ରହିଛି ବିରାଟ ବାହିନୀ । ତୃତୀୟ ଦିନିକିଆ ବିଜୟପରେ 10ପଏଣ୍ଟ ହାସଲ କରିଥାନ୍ତା ଭାରତ, ମାତ୍ର ଧୀମା ବୋଲିଂ ଯୋଗୁଁ ଗୋଟିଏ ପଏଣ୍ଟ ହରାଇଛି ମେନ ଇନ ବ୍ଲୁ ।
ପୂର୍ବରୁ ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିନିକିଆରେ ଧୀମା ବୋଲିଂ ଯୋଗୁଁ ପ୍ରତ୍ୟେକ ଭାରତୀୟ ଖେଳାଳିଙ୍କ 20 ପ୍ରତିଶତ ମ୍ୟାଚ ଫି କାଟ କାଟିଥିଲା ଆଇସିସି ।
ବ୍ୟୁରୋ ରିପୋର୍ଟ, ଇଟିଭି ଭାରତ