କଟକ: ସରିଲା ଓସିଏଲ । ଫାଇନାଲ୍ ମ୍ୟାଚରେ ବାଜି ମାରିଲା ଓଡିଶା ପାନ୍ଥର୍ସ । ବିପକ୍ଷ ଦଳ ଲାୟନ୍ସକୁ 6 ଓ୍ବିକେଟରେ ପରାଜୟ କରି ପାନ୍ଥର୍ସ ଓଡିଶା କ୍ରିକେଟ ଲିଗ୍ର ଚମ୍ପିଆନ ହୋଇଛି ।
ଓସିଏଲ: ପ୍ରଥମ ସଂସ୍କରଣର ଚମ୍ପିଆନ ପାନ୍ଥର୍ସ
ବାରବାଟୀ ଷ୍ଟାଡିୟମରେ ଟସ ଜିତି ବ୍ୟାଟିଂ ଆରମ୍ଭ କରିଥିବା ଓଡିଶା ଲାୟନ୍ସ ନିର୍ଦ୍ଧାରିତ 20 ଓଭରରେ 9 ଓ୍ବିକେଟ ହରାଇ 113 ରନ କରିଥିଲା । ଦଳ ପକ୍ଷରୁ ନୌତମ ଭଞ୍ଜ ସର୍ବାଧିକ 38 ରନ କରିଥିଲେ । ତେବେ 114ରନ୍ର ବିଜୟଲକ୍ଷ୍ୟ ନେଇ ଗ୍ରାଉଣ୍ଡକୁ ଓହ୍ଲାଇଥିଲା ପାନ୍ଥର୍ସ । ତେବେ 19.1 ଓଭରରେ 4 ଓ୍ବିକେଟ ହରାଇ 115ରନ୍ କରିଥିଲା ଦଳ ।
ତେବେ ଏହି ମ୍ୟାଚରେ ପୂର୍ବତନ ଭାରତୀୟ ଖେଳାଳି ପ୍ରଜ୍ଞାନ ଓଝା ମୁଖ୍ୟ ଅତିଥି ଭାବରେ ଯୋଗ ଦେଇ ଖେଳାଳିମାନଙ୍କ ମନୋବଳ ବୃଦ୍ଧି କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
