ୱେଲିଂଟନ: ନ୍ୟୁଜିଲାଣ୍ଡ ଗସ୍ତରେ ଥିବା ପାକିସ୍ତାନ କ୍ରିକେଟ ଟିମର ଆଉ ଜଣ ସଦସ୍ୟ କୋରୋନା ପଜିଟିଭ ଚିହ୍ନଟ । ଏନେଇ ବୁଧବାର ନ୍ୟୁଜିଲାଣ୍ଡ ସରକାରଙ୍କ ପକ୍ଷରୁ ସୂଚନା ଦିଆଯାଇଛି । ଫଳରେ ମୋଟ ପଜିଟିଭଙ୍କ ସଂଖ୍ୟା 8ରେ ପହଞ୍ଚିଛି ।
ରିପୋର୍ଟ ପଜିଟିଭ ନେଇ ନ୍ୟୁଜିଲାଣ୍ଡ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମହାମାରୀ କୋଭିଡ-19 ଦୈନିକ ବୁଲେଟିନରେ ସ୍ପଷ୍ଟ କରିଛନ୍ତି । ଏହି 8 ଜଣ ସଦସ୍ୟ ପୂର୍ବରୁ ସଂକ୍ରମିତ ପାକିସ୍ତାନ ଖେଳାଳିଙ୍କ ସହ କ୍ବାରେଣ୍ଟିନରେ ରହିବେ ।
ପୂର୍ବରୁ ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ ନ୍ୟୁଜିଲାଣ୍ଡ ଗସ୍ତରେ ଥିବା 54 ଜଣିଆ ପାକିସ୍ତାନ ସ୍କ୍ବାଡର 3 ସଦସ୍ୟ କୋଭିଡ-19 ପଜିଟିଭ ଚିହ୍ନଟ ହୋଇଥିବା ସୂଚନା ଦିଆଯାଇଥିଲା ।
ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ 3ଟି ଟି-20 ଓ ଦୁଇଟି ଟେଷ୍ଟ ମ୍ୟାଚ ଖେଳାଯିବ । ଡିସେମ୍ବର 18ରୁ ଟି-20 ସିରିଜ ଆରମ୍ଭ ହେବ ସେହିପରି ଡିସେମ୍ବର 26ରୁ ଟେଷ୍ଟ ସିରିଜ ଆରମ୍ଭ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
