ଦୁବାଇ: ମହେନ୍ଦ୍ର ସିଂ ଧୋନିଙ୍କୁ ନେଇ ସୋମବାର ରାଜସ୍ଥାନ ରୟାଲ୍ସର ଷ୍ଟାର ସଞ୍ଜୁ ସାମସନଙ୍କ ବଡ ବୟାନ । ସାମସନ କହିଛନ୍ତି ଧୋନିଙ୍କ ପରି ''କେହି କେହିପାରିବେ ନାହିଁ'' କିମ୍ବା "କେହି ଚେଷ୍ଟା କରିବା ଉଚିତ ନୁହେଁ ।" ଗତ ମ୍ୟାଚରେ ବିସ୍ପୋରକ ବ୍ୟାଟିଂ ସହ ବିଜୟୀ ଇଂନିସ ଖେଳିଥିଲେ ସଞ୍ଜୁ ସାମସନ । ପରେ ତାଙ୍କୁ ଅବିଶ୍ବସନୀୟ ପାୱାରହିଟିଂ ପାଇଁ ଧୋନିଙ୍କ ସହ ତୁଳନା କରାଯାଇଥିଲା । ତେବେ ଏହାକୁ ନାପସନ୍ଦ କରିଛନ୍ତି ସାମସନ ।
କିଙ୍ଗ୍ସ ଇଲେଭେନ ପଞ୍ଜାବ ଓ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଦୁଇଟି ବଡ ବିଜୟ ହାସଲ କରିଛି ରାଜସ୍ଥାନ ରୟାଲ୍ସ । ଦ୍ବିତୀୟ ବିଜୟଟି ଆଇପିଏଲ ଇତିହାସର ଅନ୍ୟତମ ରେକର୍ଡ ରନ ଚେଜ ।
ବିସ୍ପୋରକ ବ୍ୟାଟିଂ ପରେ କେରଳର ଥିରୁଅନନ୍ତପୁରମ କଂଗ୍ରେସ ସାଂସଦ ଶଶି ଥରୁର ସାମସନଙ୍କୁ ପରବର୍ତ୍ତୀ ଧୋନି ବୋଲି କହିଥିଲେ । ମାତ୍ର ସାମସନ ଏହାକୁ ଅସ୍ବୀକାର କରିଛନ୍ତି । ବିଜେପି ସାଂସଦ ତଥା ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀର ମଧ୍ୟ ଏଥିରେ ଅସହମତି ପ୍ରକାଶ କରିଥିଲେ । ଗମ୍ଭୀର କହିଥିଲେ ଧୋନିଙ୍କ ପରି ହେବା ପରିବର୍ତ୍ତେ 25 ବର୍ଷୀୟ ଯୁବ ଖେଳାଳି ଭାରତୀୟ କ୍ରିକେଟର ସଞ୍ଜୁ ସାମସନ ହେବାକୁ ଚେଷ୍ଟା କରିବା ଉଚିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
