ଅକଲାଣ୍ଡ: ପ୍ରଥମ ଟି-20ରେ 5 ୱିକେଟରେ ପାକିସ୍ତାନକୁ ହରାଇଲା ନ୍ୟୁଜିଲାଣ୍ଡ । ଫଳରେ 3 ମ୍ୟାଚ ବିଶିଷ୍ଟ ଟି-20 ସିରିଜରେ 1-0ରେ ଆଗୁଆ ହୋଇଛି ଘରୋଇଦଳ ।
ନ୍ୟୁଜିଲାଣ୍ଡ ପକ୍ଷରୁ ବିଜୟର ପ୍ରମୁଖ ଭୁମିକା ଗ୍ରହଣ କରିଥିଲେ ପ୍ରଥମ ଟି-20 ଅନ୍ତର୍ଜାତୀୟ ମ୍ୟାଚ ଖେଳୁଥିବା ଦ୍ରୁତ ବୋଲର ଜାକବ ଡଫି ।
4ଟି ୱିକେଟ ହାସଲ କରିବା ସହ ପାକିସ୍ତାନକୁ ପରାଜୟ ମୁହଁକୁ ଠେଲିଦେଇଥିଲେ ଜାକବ । ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଭ୍ରମଣକାରୀ ପାକିସ୍ତାନ । ପରେ ନିର୍ଧାରିତ 20 ଓଭରରେ 153/9ରେ ପାକିସ୍ତାନକୁ ରୋକିଥିଲେ ନ୍ୟୁଜିଲାଣ୍ଡ ବୋଲର ।
ପରେ ଓପନର ଟିମ ସୈଫର୍ଟଙ୍କ 57 ରନର ଅର୍ଦ୍ଧଶତକୀୟ ଇଂନିସ ଓ ମାର୍କ ଚାପମାନଙ୍କ 34 ରନ ବଳରେ 5 ୱିକେଟରେ ବିଜୟୀ ହୋଇଛି ଘରୋଇ ନ୍ୟୁଜିଲାଣ୍ଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
