କଟକ: ନାଗେଶ ଟ୍ରଫିରେ ଜାରି ରହିଛି ଓଡିଶାର ବିଜୟ ଅଭିଯାନ। ଫରିଦାବାଦରେ ଦିଲ୍ଲୀ ବିପକ୍ଷ ହାଇସ୍କୋରିଂ ମ୍ୟାଚରେ ଓଡିଶା ଦୃଷ୍ଟିହୀନ ଦଳ 41 ରନରେ ବିଜୟ ଲାଭ କରିଛି । ସୁଖରାମ ମାଝୀଙ୍କ ଦମଦାର ଶତକୀୟ ପାଳି ବଳରେ ଓଡିଶା ଏହି ମ୍ୟାଚ ରେ ବିଜୟ ହାସଲ କରିଛି। ଟୁର୍ଣ୍ଣାମେଣ୍ଟରେ ଓଡିଶାର ଏହା ଚତୁର୍ଥ ବିଜୟ।
ଟସ ହାରି ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିଲା ଓଡିଶା । ଓଡିଶା ନିର୍ଧାରତ 20ଓଭରରେ ବିନା ୱିକେଟରେ 247 ରନ କରିଥିଲା ଓଡ଼ିଶା। ଦଳ ପକ୍ଷରୁ ପ୍ରାରମ୍ଭିକ ଯୋଡି ସୁଖରାମ ମାଝୀ 63 ବଲରୁ 138 ସଂଗ୍ରହ କରିଥିଲେ । ଲାଲପ୍ରସାଦ ସୋରେନ 99 ରନ କରି ମାତ୍ର 1 ରନରେ ଶତକରୁ ବଞ୍ଚିତ ହୋଇଥିଲେ । ଫଳରେ ଓଡିଶା ଏକ ବଡ଼ 247 ରନର ବିଶାଳ ସ୍କୋର କରିପାରିଥିଲା।
ଜବାବରେ 248 ରନର ଲକ୍ଷ୍ୟ କୁ ପିଛା କରି ଥିଲା ଦିଲ୍ଲୀ । ବ୍ୟାଟିଂ ପରେ ବାେଲିଂ ରେ ମଧ୍ୟ କମାଲ କରିଥିଲେ ଓଡିଶାର ଖେଳାଳି । ଫଳରେ ସମସ୍ତ ଚେଷ୍ଟା ସତ୍ତ୍ବେ ଦିଲ୍ଲୀ 8 ୱିକେଟ ହରାଇ 206 ରନ ସଂଗ୍ରହ କରିବାକୁ ସମର୍ଥ ହୋଇଥିଲା । ଦଳ ପକ୍ଷରୁ ବାଲମୁକୁନ୍ଦ ସର୍ବାଧିକ 97 ରନ କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
