ନୂଆଦିଲ୍ଲୀ: ଧୋନିଙ୍କୁ ନେଇ ଭେଟେରାନ ୱେଷ୍ଟଇଣ୍ଡିଜ କ୍ରିକେଟର ଡ୍ବେନ ବ୍ରାଭୋଙ୍କ ବଡ ବୟାନ । ଅଷ୍ଟ୍ରେଲିଆରେ ଆଗାମୀ ବର୍ଷ ଖେଳାଯିବାକୁଥିବା ଟି-20 ବିଶ୍ବକପରେ ଖେଳିବେ ଧୋନି । ଏହା କହିଛନ୍ତି ୱେଷ୍ଟଇଣ୍ଡିଜ ଅଲରାଉଣ୍ଡର ବ୍ରାଭୋ ।
2019 ବର୍ଷରେ କମ ମ୍ୟାଚ ଖେଳିଛନ୍ତି ଟିମ ଇଣ୍ଡିଆର ପୂର୍ବତନ କ୍ୟାପଟେନ ମହେନ୍ଦ୍ର ସିଂହ ଧୋନି । ମାତ୍ର ବର୍ଷତମାମ ଚର୍ଚ୍ଚାରେ ରହିଛନ୍ତି ଏହି ଚମ୍ପିଆନ ଖେଳାଳି । କ୍ରିକେଟରୁ ଦୂରରେ ରହିଥିବା ଧୋନି ବର୍ତ୍ତମାନ ମ୍ୟାଚ ଖେଳୁନାହାଁନ୍ତି । ତେବେ ଧୋନିଙ୍କ ଆଇପିଏଲ ପ୍ରଦର୍ଶନ ଦଳକୁ ଫେରିବା ନେଇ ସ୍ପଷ୍ଟ କରିବ ବୋଲି କୋଚ ରବିଶାସ୍ତ୍ରୀ ସଙ୍କେତ ଦେଇଛନ୍ତି ।
ଧୋନି କେବେବି ଅବସର ନେବେନି । ସେ ଆଗାମୀ ଟି-20 ବିଶ୍ବକପ ଖେଳିବେ । ଏପରି କିଛି ବିଶ୍ବାସ ଦେଖାଇଛନ୍ତି ଧୋନିଙ୍କ ଆଇପିଏଲ ଟିମ ଖେଳାଳି ବ୍ରାଭୋ ।
