ନୂଆଦିଲ୍ଲୀ: ମ୍ୟାଚ ଫିକ୍ସିଂ ମାମଲାରେ ଗିରଫ ହୋଇଥିବା ବୁକି ସଞ୍ଜୀବଙ୍କ ନୂଆ ଠିକଣା ହୋଇଛି ତିହାର ଜେଲ୍ । ଦିନକ ପୂର୍ବରୁ ଟ୍ରାଏଲ କୋର୍ଟ ଦିଲ୍ଲୀ ପୋଲିସକୁ 12ଦିନିଆ ପୋଲିସ ହେପାଜତରେ ପଠାଇବାକୁ ଅନୁମତି ଦେଇଥିଲେ।
ମାତ୍ର ଦିଲ୍ଲୀ ହାଇକୋର୍ଟ ଏହି ରାୟ ଉପରେ ରହିତାଦେଶ ଲଗାଇବା ସହ ଦୋଷୀକୁ ତିହାର ଜେଲ୍କୁ ପଠାଇଛନ୍ତି । ଜଷ୍ଟିସ ଅନୁ ମଲହୋତ୍ରା ଏହି ମାମଲାର ଶୁଣାଣି କରି ରାୟ ଶୁଣାଇଛନ୍ତି। କୋର୍ଟର ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ତିହାର ଜେଲ୍ରେ ରହିବେ ବୁକି ସଞ୍ଜୀବ ଚାୱଲା ।
ବର୍ଷ 2000ରେ ହୋଇଥିଲା ଏହି ହାଇପ୍ରୋଫାଇଲ ମ୍ୟାଚ ଫିକ୍ସିଂ ଘଟଣା। ଭାରତ-ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ଦିନିକିଆ କ୍ରିକେଟ ସିରିଜରେ ବଡଧରଣର ମ୍ୟାଚ ଫିକ୍ସିଂ ସାମ୍ନାକୁ ଆସିଥିଲା । ଏଥିରେ ତତ୍କାଳୀନ ଦକ୍ଷିଣ ଆଫ୍ରକା କ୍ୟାପଟେନ ହନ୍ସି କ୍ରୋଜେ ସାମିଲ ଥିଲେ । ମାତ୍ର ଏକ ବିମାନ ଦୁର୍ଘଟଣାରେ 2002ରେ ତାଙ୍କର ମୃତ୍ୟୁ ହୋଇଥିଲା। ତେବେ ଗତ ଗୁରୁବାର ଲଣ୍ଡନରୁ କ୍ରାଇମବ୍ରାଞ୍ଚ ସଞ୍ଜୀବଙ୍କୁ ଗିରଫ କରି ଭାରତ ଆଣିଥିଲା ।
