ହାଇଦ୍ରାବାଦ: ଭାରତୀୟ ଟିମର ଚୁଡାନ୍ତ ଟେଷ୍ଟ ଏକାଦଶକୁ ଫେରିପାରନ୍ତି ଚାଇନାମ୍ୟାନ ବୋଲର କୁଲଦୀପ ଯାଦବ । ଇଂଲଣ୍ଡ ବିପକ୍ଷ 4 ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ କୁଲଦୀପଙ୍କୁ ସୁଯୋଗ ଦେବାକୁ ଟିମ ମ୍ୟାନେଜମେଣ୍ଟ ବିଚାର କରୁଛି ।
କୁଲଦୀପ ଅଷ୍ଟ୍ରେଲିଆରେ ଗସ୍ତରେ ଟିମସହ ରହିଥିଲେ ମଧ୍ୟ 4 ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଖେଳିବାର ସୁଯୋଗ ମିଳିନଥିଲା । କୁଲଦୀପ ଶେଷ ଥର 2018-19 ଅଷ୍ଟ୍ରେଲିଆ ଗସ୍ତରେ ସିଡନୀ ଟେଷ୍ଟରେ ଖେଳିଥିଲେ ଓ 5 ୱିକେଟ ଅକ୍ତିଆର କରିଥିଲେ । ସର୍ବୋମୋଟ ସେ 6ଟି ଟେଷ୍ଟ ଖେଳିଛନ୍ତି ।
ତେବେ ଭାଇସ-କ୍ୟାପଟେନ ଅଜିଙ୍କ୍ୟ ରାହାଣେ ଓ ବୋଲିଂ କୋଚ ଭାରତ ଅରୁଣ ଘରୋଇ ମାଟିରେ କୁଲଦୀପ ଖେଳିବା ସଙ୍କେତ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
