ଲଣ୍ଡନ: ଟିମକୁ ଫେରିବେ ଇଂଲଣ୍ଡ ପେସ ବୋଲର ଜୋଫ୍ରା ଆର୍ଚର । ଜୈବ ସୁରକ୍ଷା କଟକଣାର ଉଲଂଘନ କରି ଦ୍ବିତୀୟ ଟେଷ୍ଟରୁ ବାଦ ପଡିଥିଲେ ଆର୍ଚର । ଏହାପରେ ତାଙ୍କୁ ଜୋରିମାନା ସହ ବୋର୍ଡ ପକ୍ଷରୁ ନୋଟିସ ମଧ୍ୟ ଜାରି ହୋଇଥିଲା ।
ଏହାପରେ 5ଦିନିକିଆ ଆଇସୋଲେସନରେ ମଧ୍ୟ ରହିଥିଲେ ଜୋଫ୍ରା ଆର୍ଚର । ଏହି ସମୟ ମଧ୍ୟରେ ଆର୍ଚରଙ୍କ ଦୁଇଥର କୋଭିଡ ଟେଷ୍ଟ କରାଯାଇଥିଲା । ରିପୋର୍ଟ ନେଗେଟିଭ ପରେ ସେ ଖୁବଶୀଘ୍ର ଟିମରେ ଯୋଗ ଦେବେ ବୋଲି ଜଣାପଡିଛି ।
ଦ୍ବିତୀୟ ଟେଷ୍ଟରେ ଇଂଲଣ୍ଡ ଭ୍ରମଣକାରୀ ଇଣ୍ଡିଜ ଦଳକୁ 113 ରନରେ ହରାଇ ସିରିଜ ବରାବର କରିଛି । ପ୍ରଥମ ଟେଷ୍ଟରେ ବିଜୟୀ ହୋଇଥିଲା ଜେସନ ହୋଲ୍ଡରଙ୍କ ଦଳ । ସିରିଜର ଅନ୍ତିମ ତଥା 3ୟ ଟେଷ୍ଟ ଜୁଲାଇ 24ରୁ ମାଞ୍ଚେଷ୍ଟରରେ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
