ଆଣ୍ଟିଗୁଆ: ୱେଷ୍ଟଇଣ୍ଡିଜର ଟେଷ୍ଟ କ୍ୟାପଟେନ ଜେସନ ହୋଲ୍ଡରଙ୍କ ବଡ ଖୁଲାସା । ହୋଲ୍ଡର କହିଛନ୍ତି ସେ କେବଳ ଟେଷ୍ଟ କ୍ରିକେଟରେ ସୀମିତ ହୋଇ ରହିବାକୁ ଚାହାଁନ୍ତି ନାହିଁ । ସବୁ ଫର୍ମାଟରେ ସେ ଖେଳିବାକୁ ଆଶାବାଦୀ ଅଛନ୍ତି । ଟେଷ୍ଟ ଭଳି ଦିନିକିଆ ଓ ଟି-20 କ୍ରିକେଟରେ ମଧ୍ୟ ସେ ଦଳ ପାଇଁ ଖେଳିବାକୁ ଇଚ୍ଛାପ୍ରକାଶ କରିଛନ୍ତି ।
28 ବର୍ଷିୟ ହୋଲ୍ଡର ଗତ 5 ବର୍ଷ ଧରି ୱେଷ୍ଟଇଣ୍ଡିଜର ଟେଷ୍ଟ କ୍ୟାପଟେନ ରହିଛନ୍ତି । ତାଙ୍କର ସଫଳ ନେତୃତ୍ବରେ ଇଂଲଣ୍ଡ ବିପକ୍ଷରେ ୱେଷ୍ଟଇଣ୍ଡିଜ ୱିସଡେନ ଟ୍ରଫି ବିଜୟୀ ମଧ୍ୟ ହୋଇପାରିଛି । ତେବେ ଗତ ଦୁଇ ବର୍ଷ ଧରି ସେ ବିଶ୍ବ କ୍ରିକେଟରେ ଶ୍ରେଷ୍ଠ ଅଲରାଉଣ୍ଡରଙ୍କ ମଧ୍ୟରେ ମଧ୍ୟ ପରିଗଣିତ ହୋଇଛନ୍ତି । ଟେଷ୍ଟ କ୍ରିକେଟରେ ପ୍ରାୟ ଏବବର୍ଷରୁ ଅଧିକ ସମୟ ଧରି ହୋଲ୍ଡର, ନଂ1 ଅଲରାଉଣ୍ଡର ସ୍ଥାନରେ ରହିଛନ୍ତି ।
2016 ଟି-20 ବିଶ୍ବକପ ବିଜୟୀ ୱେଷ୍ଟଇଣ୍ଡିଜର ସଦସ୍ୟ ରହିଛନ୍ତି ହୋଲ୍ଡର । କାରବିୟନ ପ୍ରିମିୟର ଲିଗରେ ବାର୍ବୋଦାସ ଟ୍ରାଇଡେଣ୍ଟ ଟିମର କ୍ୟାପଟେନ ମଧ୍ୟ ରହିଛନ୍ତି ।
