ହାଇଦ୍ରାବାଦ: ଚଳିତ ଇଣ୍ଡିଆନ ସୁପର ଲିଗ ଫୁଟବଲର ଟୁର୍ଣ୍ଣାମେଣ୍ଟରେ ଦମଦାର ପ୍ରଦର୍ଶନ କରୁଛି ନବାଗତ ଓଡିଶା FC । ବୁଧବାର ସ୍ଥାନିୟ ଷ୍ଟାଡିୟମରେ ଖେଳାଯାଇଥିବା ଅନ୍ୟତମ ମ୍ୟାଚରେ ଘରୋଇ ଦଳକୁ 2-1ରେ ପରାସ୍ତ କରି ଟୁର୍ଣ୍ଣାମେଣ୍ଟରେ ଲଗାତର 4ର୍ଥ ବିଜୟ ହାସଲ କରିଛି ଓଡିଶା ।
ତେବେ ଏହି ବିଜୟ ସହ ଓଡିଶା ପାଇଁ ପ୍ଲେ ଅଫ ରାସ୍ତା ସଫା ହୋଇସାରିଛି । 13 ମ୍ୟାଚରୁ 21 ପଏଣ୍ଟ ସହ ତାଲିକରା 4ର୍ଥ ସ୍ଥାନରେ ରହିଛି ଓଡିଶା ଦଳ । 5ମ ସ୍ଥାନରେ ଥିବା ମୁମ୍ବାଇଠାରୁ 5 ପଏଣ୍ଟ ଦୂରରେ ରହିଛି ଦଳ । ଫଳରେ ବାକି ମ୍ୟାଚରେ ବିଜୟ ପାଇଲେ ଓଡିଶାକୁ ପ୍ଲେ-ଅଫ ଖେଳିବାରୁ ଆଉ କେହି ରୋକି ପାରିବେ ନାହିଁ ।
ତେବେ ଏହି ରୋମାଞ୍ଚପୂର୍ଣ୍ଣ ମ୍ୟାଚର ପ୍ରଥମ ମିନିଟରେ ଆଟାକ୍ କରି ଗୋଲ ଦେଇଥିଲା ଘରୋଇ ଦଳ । ଦଳ ପକ୍ଷରୁ ଗୋଲ ଦେଇଥିଲେ ମାଲସେଲିନୋ । କିନ୍ତୁ ସେହି ଗୋଲ ପରେ ଘରୋଇ ଦଳ ଆଉ କୌଣସି ଗୋଲ ଦେଇ ପାରିନଥିଲା । ଅନ୍ୟପଟେ ଓଡିଶା ଦଳ ପକ୍ଷରୁ ଆଡ୍ରିନ ସନ୍ତାନା 15 ଓ 45 ମିନିଟରେ ଦୁଇଟି ଗୋଲ ଦେଇ ଓଡିଶାକୁ ବିଜୟ ଦେଲେ ।
