ନୂଆଦିଲ୍ଲୀ: ସୋମବାର ଇଣ୍ଡିଆନ ପ୍ରିମିୟର ଲିଗ(IPL)ର ଗଭର୍ଣ୍ଣିଂ କାଉନସିଲ ସଦସ୍ୟଙ୍କ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହେବ। ବୈଠକରେ ମ୍ୟାଚ ପ୍ରସାରଣର ସମୟକୁ ନେଇ ଚୂଡାନ୍ତ ନିଷ୍ପତ୍ତି ହେବା ନେଇ ସୂଚନା ମିଳିଛି।
ଗତ 2ଟି ଆଇପିଏଲ ସଂସ୍କରଣରେ ମ୍ୟାଚ ସଂନ୍ଧ୍ୟା 8.00 ବଦଳରେ 7.30ରେ ଆରମ୍ଭ ପାଇଁ ପ୍ରସାରଣକାରୀ ସଂସ୍ଥା ପକ୍ଷରୁ ଅନୁରୋଧ ହୋଇଆସୁଛି। ମ୍ୟାଚ ଶ୍ରୀଘ୍ର ଆରମ୍ଭ ହେଲେ ଦର୍ଶକ ଶ୍ରୀଘ୍ର ଘରକୁ ଫେରିପାରିବେ । ଏହାଦ୍ବାରା ସ୍ପନସର ଓ ଫ୍ରାଞ୍ଚାଇଜ ମଧ୍ୟ ଅଧିକ ଲାଭବାନ ହେବେ ବୋଲି ପ୍ରସାରଣକାରୀ ସଂସ୍ଥା ପକ୍ଷରୁ ଦର୍ଶାଯାଇଛି ।
ମାତ୍ର ଏହି ଦାବିକୁ ଆଇପିଏଲ ଗଭର୍ଣ୍ଣିଂ କାଉନସିଲ ଗ୍ରହଣ ନଥିଲା। ମାତ୍ର 2020 ଆଇପିଏଲ ସଂସ୍କରଣରେ ଏହି ନିଷ୍ପତ୍ତି ଉପରେ ବିଚାର କରାଯାଉଥିବା ସ୍ପଷ୍ଟ ହୋଇଛି । ଆଇପିଏଲର 13 ତମ ସଂସ୍କରଣ 2020 ମାର୍ଚ୍ଚ 29ରୁ ଆରମ୍ଭ ହେବ । ତେବେ ଏନେଇ ସମସ୍ତ ଫ୍ରାଞ୍ଚାଇଜଙ୍କ ସହମତି ପରେ ଶେଷ ନିଷ୍ପତ୍ତି ବିସିସିଆଇର ହେବ।
