ମୁମ୍ବାଇ: ଆଇପିଏଲର ଆଜି ରାଜସ୍ଥାନ ରୟାଲ୍ସ ଓ ପଞ୍ଜାବ କିଙ୍ଗ୍ସ ମଧ୍ୟରେ ମୁକାବିଲା ଖେଳଯାଉଛି । ପ୍ରଥମେ ଟସ ଜିତି ରାଜସ୍ଥାନ କ୍ୟାପଟେନ ସଞ୍ଜୁ ସାମସନ ପଞ୍ଜାବକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲେ । ନିର୍ଦ୍ଧାରିତ 20 ଓଭରରେ 6 ୱିକେଟ ହରାଇ 221 ରନ କରିଛି ପଞ୍ଜାବ ।
ଫଳରେ ରାଜସ୍ଥାନ ସାମ୍ନାରେ 222 ରନର ବିଶାଳ ବିଜୟ ଲକ୍ଷ୍ୟ ରହିଛି ।
ପଞ୍ଜାବ ପକ୍ଷରୁ କ୍ୟାପଟେନ ରାହୁଲ ଅଧିନାୟକ ଇଂନିସ ଖେଳିଛନ୍ତି । ବିସ୍ଫୋରକ ବ୍ୟାଟିଂ ସହ 50 ବଲ୍ରୁ 7 ଚୌକା ଓ 5ଟି ଛକା ସହାୟତାରେ 91 ରନ୍ର ଜବରଦସ୍ତ ଇଂନିସ ଖେଳିଛନ୍ତି ରାହୁଲ । ଦୀପକ ହୁଡ୍ଡା ମଧ୍ୟ ଅବିଶ୍ବସନୀୟ ଦ୍ରୁତ ଇଂନିସ ଖେଳିଛନ୍ତି । 28 ବଲ୍ରୁ 4 ଚୌକା ଓ 6 ଛକା ସହାୟତାରେ 64ରନ୍ର ମାରାଥନ ଇଂନିସ ଖେଳିଛନ୍ତି । କ୍ରିସ ଗେଲ୍ 28 ବଲରୁ 40 ଓ ମୟଙ୍କ ଅଗ୍ରୱାଲ 9 ବଲ୍ରୁ 14 ରନ କରିଛନ୍ତି ।
ଅନ୍ୟପଟେ ରାଜସ୍ଥାନ ପକ୍ଷରୁ ଚେତନ ସାକାରିୟା ସର୍ବାଧିକ 3ଟି ୱିକେଟ ହାସଲ କରିଛନ୍ତି । ତେବେ ପ୍ରାୟ ସମସ୍ତ ବୋଲର ମହଙ୍ଗା ସାବ୍ୟସ୍ତ ହୋଇଛନ୍ତି । କ୍ରିସ ମୋରିସ ଦୁଇଟି ଓ ରିୟାନ ପରାଗ ଗୋଟିଏ ୱିକେଟ ଅକ୍ତିଆର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
