ଚେନ୍ନାଇ: ଆଇପିଏଲ ଫ୍ରାଞ୍ଜାଇଜ ଦିଲ୍ଲୀ କ୍ୟାପିଟାଲ୍ସ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ଷ୍ଟିଭ ସ୍ମିଥଙ୍କୁ କିଣିଛି । ଚେନ୍ନାଇରେ ଜାରି ରହିଥିବା ଆଇପିଏଲ ମିନି ନିଲାମ ପ୍ରକ୍ରିୟାରେ ପୂର୍ବତନ ଅଷ୍ଟ୍ରେଲୀୟ କ୍ୟାପଟେନ ସ୍ମିଥଙ୍କୁ 2.2 କୋଟିରେ କିଣିଛି ଦିଲ୍ଲୀ । ନିଲାମ ପୂର୍ବରୁ ରାଜସ୍ଥାନ ରୟାଲ୍ସ ସ୍ମିଥଙ୍କୁ ରିଲିଜ କରିଥିଲା ।
ଅନ୍ୟପଟେ ବେସ ପ୍ରାଇସ 50 ଲକ୍ଷ ଥିବା ଭାରତୀୟ ବ୍ୟାଟ୍ସମ୍ୟାନ କରୁଣ ନାୟରଙ୍କୁ କୌଣସି ଫ୍ରାଞ୍ଚାଇଜ କିଣିବାକୁ ଆଗ୍ରହ ପ୍ରକାଶ କରିନାହାଁନ୍ତି । ଏଥିସହ ବେସ ପ୍ରାଇସ 1.5 କୋଟି ଥିବା ଦୁଇ ଇଂଲଣ୍ଡ କ୍ରିକେଟର ଆଲେକ୍ସ ହେଲ୍ସ ଓ ଜେସନ ରୟଙ୍କୁ ମଧ୍ୟ କୌଣସି ଫ୍ରାଞ୍ଚାଇଜ କିଣିନାହାଁନ୍ତି ।
ସେହିପରି ୱେଷ୍ଟଇଣ୍ଡିଜ ବ୍ୟାଟ୍ସମ୍ୟାନ ଇଭିନ ଲୁଇସ, ଅଷ୍ଟ୍ରେଲିଆର ସୀମିତ ଓଭର କ୍ୟାପଟେନ ଆରୋନ ଫିଞ୍ଚ ଓ ଭାରତୀୟ ମଧ୍ୟକ୍ରମ ବ୍ୟାଟ୍ସମ୍ୟାନ ହନୁମା ବିହାରୀଙ୍କୁ ମଧ୍ୟ କୌଣସି ଫ୍ରାଞ୍ଚାଇଜ କିଣିନାହାଁନ୍ତି ।
ମିନିନିଲାମରେ ମୋଟ 291ଖେଳାଳି ସାମିଲ ହୋଇଛନ୍ତି । 164 ଭାରତୀୟ ଓ 125 ବିଦେଶୀ ଖେଳାଳି ରହିଛନ୍ତି । 3 ଜଣ ଖେଳାଳି ଆସୋସିଏଟ ଦେଶର ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
