ହାଇଦ୍ରାବାଦ: ଆଇପିଏଲର 13ତମ ସଂସ୍କରଣରେ ଦମଦାର ଫର୍ମରେ ଥିବା ଦିଲ୍ଲୀ କ୍ୟାପିଟାଲ୍ସ ଟିମକୁ ଆଉ ଏକ ବଡ ଝଟକା । ଟିମର ଅଭିଜ୍ଞ ବୋଲର ଈଶାନ୍ତ ଶର୍ମା ଆହତ କାରଣରୁ ସଂପୂର୍ଣ୍ଣ ଟୁର୍ଣ୍ଣାମେଣ୍ଟରୁ ବାହାର ହୋଇଛନ୍ତି ।
ଈଶାନ୍ତ ଶର୍ମା ମାଂସପେଶୀରେ ଯନ୍ତ୍ରଣା ଅନୁଭବ କରିବା ପରେ ଆଇପିଏଲରୁ ବାହାର ହୋଇଛନ୍ତି । ଟୁର୍ଣ୍ଣାମେଣ୍ଟ ଆରମ୍ଭରୁ ଅଭ୍ୟାସ ସମୟରେ ଈଶାନ୍ତ ଆହତ ହୋଇଥିବା ଖବର ସାମ୍ନାକୁ ଆସିଥିଲା । ତେବେ ପରେ ଗୋଟିଏ ମ୍ୟାଚ ଖେଳିବାକୁ ସୁଯୋଗ ମିଳିଥିଲା ।
ପୂର୍ବରୁ ଦିଲ୍ଲୀ କ୍ୟାପିଟାଲ୍ସର ସ୍ପିନର ଅମିତ୍ର ମିଶ୍ର ମଧ୍ୟ ଆହତ କାରଣରୁ ବାଦ ପଡିସାରିଛନ୍ତି । ଫଳରେ ଏବେ ଈଶାନ୍ତ ବାଦ ପଡିବା ଆୟରଙ୍କ ଟିମଙ୍କ ପାଇଁ ବଡ ଝଟକା ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
