ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିିସିସିଆଇ)ର ଜଣେ ବରିଷ୍ଠ ମେଡିକାଲ ଟିମ ସଦସ୍ୟ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଆଇପିଏଲ 2020 ପାଇଁ ସେ ୟୁଏଇରେ ରହିଛନ୍ତି । ତେବେ ତାଙ୍କ ଠାରେ କୌଣସି ଲକ୍ଷଣ ନଥିବା ଜଣାପଡିଛି । ରିପୋର୍ଟ ପଜିଟିଭ ଜଣାପଡିବା ପରେ ତାଙ୍କୁ ଅନ୍ୟ ସଦସ୍ୟଙ୍କ ଠାରୁ ପୃଥକ ରଖାଯାଇଛି ।
ଏଥିସହିତ ଜାତୀୟ କ୍ରିକେଟ ଏକାଡେମୀ(NCA) ବେଙ୍ଗାଲୁରୁର ଦୁଇ ବ୍ୟକ୍ତି କୋରୋନା ଭାଇରସ ସଂକ୍ରମଣର ଶିକାର ହୋଇଛନ୍ତି ।
ପୂର୍ବରୁ ଅଗଷ୍ଟ 29ରେ 13ଜଣ ସଦସ୍ୟ କୋଭିଡ-19 ପଜିଟିଭ ଚିହ୍ନଟ ହୋଇଥିବା ବିସିସିଆଇ ପକ୍ଷରୁ ସୂଚନା ଦିଆଯାଇଥିଲା । ଏହି ସଦସ୍ୟଙ୍କ ମଧ୍ୟରେ ଦୁଇଜଣ ଖେଳାଳି ଥିବା ମଧ୍ୟ କୁହାଯାଇଥିଲା । ତେବେ ଖେଳାଳିଙ୍କ ନାମ ଓ କେଉଁ ଟିମରୁ କେତେଜଣ ସଦସ୍ୟ ଚିହ୍ନଟ ହୋଇଛି ସ୍ପଷ୍ଟ କରାଯାଇନଥିଲା ।
ଆଇପିଏଲର 13ତମ ସଂସ୍କରଣ ଚଳିତ ମାସ 19 ତାରିଖରୁ ନଭେମ୍ବର 10 ପର୍ଯ୍ୟନ୍ତ 53 ଦିନ ଧରି ଖେଳାଯିବ । ୟୁଏଇର 3ଟି ଆବୁଧାବି, ସାରଜାହ ଓ ଦୁବାଇରେ ମ୍ୟାଚ ସବୁ ଖେଳାଯିବା ନେଇ ସ୍ଥିର ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
