ଦୁବାଇ: ଆଇପିଏଲ 2020ର ତୃତୀୟ ମୁକାବିଲା ସନରାଇଜର୍ସ ହାଇଦ୍ରାବାଦ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯାଉଛି । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ କୋହଲିଙ୍କ ଆରସିବି ଟିମ ସହ ଡେଭିଡ ୱାର୍ଣ୍ଣରଙ୍କ ସନରାଇଜର୍ସ ହାଇଦ୍ରାବାଦର ମୁକାବିଲା ଜାରି ରହିଛି ।
ଟସ ଜିତି ୱାର୍ଣ୍ଣର ପ୍ରଥମେ ଆରସିବିକୁ ବ୍ୟାଟି ପାଇଁ ଆମନ୍ତ୍ରଣ କରିଥିଲେ । ଫଳରେ ନିର୍ଦ୍ଧାରିତ 20 ଓଭରରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର 163 ରନ କରିଛି । ଫଳରେ ହାଇଦ୍ରାବାଦ ସାମ୍ନାରେ 164 ରନର ବିଜୟ ଲକ୍ଷ୍ୟ ରହିଛି ।
ଆରସିବି ପକ୍ଷରୁ ଯୁବ ବ୍ୟାଟ୍ସମ୍ୟାନ ଜେବଦତ୍ତ ପାଡିକଲ 42 ବଲରୁ 8 ଚୌକା ସହାୟତାରେ 56 ରନର ଦମଦାର ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । ଅନ୍ୟତମ ଓପନର ଆରୋନ ଫିଞ୍ଚ 29 ରନ କରି ଆଉଟ ହୋଇଛନ୍ତି । ଦୀର୍ଘଦିନର ବିରତି ପରେ ମ୍ୟାଚ ଖେଳୁଥିବା କ୍ୟାପଟେନ ବିରାଟ ମାତ୍ର 14 ରନ କରିପାରିଛନ୍ତି । ତେବେ ଦଳର ଭେଟେରାନ ବ୍ୟାଟ୍ସମ୍ୟାନ ଏବି ଡି ଭିଲିୟର୍ସ 30 ବଲରୁ 4 ଚୌକା ଓ 2 ଛକା ସହାୟତାରେ 51 ରନର ବିସ୍ପୋରକ ଇଂନିସ ଖେଳି ଶେଷ ଓଭରରେ ରନ ଆଉଟ ହୋଇଛନ୍ତି ।
ହାଇଦ୍ରାବାଦ ପକ୍ଷରୁ ବିଜୟ ଶଙ୍କର, ଅଭିଶେକ ଶର୍ମା ଓ ଟି.ନଟରାଜନ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
