ଆବୁଧାବି: ଦୁବାଇର ଗ୍ରୀଷ୍ମ ପ୍ରବାହକୁ ନଜରରେ ରଖି ଆଜି ମ୍ୟାଚରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ ରାଜସ୍ଥାନ ଅଧିନାୟକ ଷ୍ଟିଭ ସ୍ମିଥ । ମାତ୍ର ଆରସିବିର ଘାତକ ବୋଲିଂ ଆଗରେ ଟଳମଳ ହୋଇଗଲା ଆରଆର ବ୍ୟାଟିଂ ଲାଇନଅର୍ଡର । ଟପ ଅର୍ଡର ବିଫଳ ପରେ ମଧ୍ୟକ୍ରମକୁ ବି ଚହଲାଇ ଦେଲେ ବାଙ୍ଗାଲୋର ବୋଲର ଚହଲ । ଦଳ ନିର୍ଦ୍ଧାରିତ ଓଭରରେ 6 ୱିକେଟ ହରାଇ 154ରନ କରିପାରିଛି ।
ପ୍ରଥମେ ବ୍ୟାଟିଂ ଆସିଥିବା ବଟଲର(22) ଓ ଅଧିନାୟକ ସ୍ମଥି(5) 40ରନ ପୂର୍ବରୁ ପାଭିଲିଅନ ଫେରିସାରିଥିଲେ । ସେହିପରି 3ୟ ସ୍ଥାନରେ ବ୍ୟାଟିଂ ଆସିଥିବା ସଞ୍ଜୁ ସାମସନ(4)ଙ୍କୁ ସହଳ ଆଉଟ କଲେ ୟୁଜଭେନ୍ଦ୍ର ଚହଳ । ପରେ ରବିନ୍ଦ୍ର ଉତ୍ଥାପା(17) ଓ ମହିପାଲ(47) କିଛି ସମୟ ଧରି ପାଳିକୁ ଆଗକୁ ବଢାଇଥିଲେ । ମାତ୍ର ଅଧିକ ବଲ ଖେଳିବା ସତ୍ବେ ବେସି ସମୟ କ୍ରିଜରେ ତିଷ୍ଠି ପାରି ନଥିଲେ ଉତ୍ଥାପା । ସେହିପରି ଅଣ୍ଡର-19 ଷ୍ଟାର ରିୟାନ ପରାଗ ମାତ୍ର 16 ରନ କରି ପାଭିଲିଅନ ଫେରିଥିଲେ । ପରେ ଜୋଫ୍ରା ଅର୍ଚର(16) ଓ ଦଳର ଅନ୍ୟତମ ଭରସାଯୋଗ୍ୟ ବ୍ୟାଟ୍ସମ୍ୟାନ ରାହୁଲ ତେୱାଟିଆ(24) ଶେଷ ପର୍ଯ୍ୟନ୍ତ ପଡିଆରେ ଜମି ରହିଛି ଶେଷରେ ଦଳୀୟ ସ୍କୋରକୁ 154ରନରେ ପହଞ୍ଚାଇପାରିଛନ୍ତି ।
ସେପଟେ ବାଙ୍ଗାଲୋର ପକ୍ଷରୁ ଚହଲ ସର୍ବାଧିକ 3ଟି ଇସୁର ଉଦାନ ଦୁଇଟି ଓ ନବଦୀବ ସାଇନ ଗୋଟିଏ ୱିକେଟ ନେଇଛନ୍ତି ।
