ନୂଆଦିଲ୍ଲୀ: କେଏଲ ରାହୁଲଙ୍କୁ ଭେଟରାନ ପୂର୍ବତନ କ୍ରିକେଟର ସୁନୀଲ ଗାଭାସ୍କରଙ୍କ ପ୍ରଶଂସା । ଚଳିତ ଆଇପିଏଲ ଟୁର୍ଣ୍ଣାମେଣ୍ଟରେ ରାହୁଲ, କିଙ୍ଗ୍ସ ଇଲେଭନ ପଞ୍ଜାବ ଟିମକୁ ଦକ୍ଷ ନେତୃତ୍ବ ଦେଇଥିବା କହିଛନ୍ତି ଗାଭାସ୍କର ।
ଅଧିନାୟକତ୍ବ ଦାୟିତ୍ବ ସହ, ରାହୁଲ ଦଳ ପାଇଁ ପ୍ରମୁଖ ପ୍ରଦର୍ଶନକାରୀ ଖେଳାଳି ରହିଛନ୍ତି । ଏଯାବତ 11 ମ୍ୟାଚରୁ 567 ରନ ସହ, ଅରେଞ୍ଜ କ୍ୟାପ ନିଜ ପାଖରେ ରଖିଛନ୍ତି ରାହୁଲ ।
ମ୍ୟାଚରେ ରାହୁଲଙ୍କ ଅଧିନାୟକତ୍ବ , ରଣନୀତି, ବୋଲିଂ ଚେଞ୍ଜକୁ ପ୍ରଶଂସା କରିଛନ୍ତି ଗାଭାସ୍କର । ହାଇଦ୍ରାବାଦ ବିପକ୍ଷ ମ୍ୟାଚରେ 126 ରନର କମ ସ୍କୋରକୁ ମଧ୍ୟ ପଞ୍ଜାବ ବୋଲର ହାସଲ କରିବାକୁ ଦେଇନଥିଲେ । ଫଳରେ ଟୁ୍ର୍ଣ୍ଣାମେଣ୍ଟର 5ମ ବିଜୟ ହାସଲ କରିବା ସହ ହାଇଦ୍ରାବାଦ ଠାରୁ ଏକ ନିଶ୍ଚିନ୍ତ ବିଜୟ ଛଡାଇ ଆଣିଥିଲା ପଞ୍ଜାବ ।
ପଞ୍ଜାବ ମୁଖ୍ୟ କୋଚ ଅନିଲ କୁମ୍ବଲେଙ୍କୁ ମଧ୍ୟ ଗାଭାସ୍କର ପ୍ରଶଂସା କରିଛନ୍ତି । କୁମ୍ବଲେ ଫାଇଟିଂ ସ୍ପିରିଟ ସମଗ୍ର ଟିମରେ ଭରିଥିବା କହିଛନ୍ତି ଗାଭାସ୍କର।
ବ୍ୟୁରୋ ରିପୋର୍ଟ, ଇଟିଭି ଭାରତ
