ହାଇଦ୍ରାବାଦ: ଭାରତ-ଇଣ୍ଡିଜ ମଧ୍ୟରେ ପ୍ରଥମ ଟି-20 ମ୍ୟାଚ ଶୁକ୍ରବାର ହାଇଦ୍ରାବାଦର ରାଜୀବ ଗାନ୍ଧୀ ଆନ୍ତର୍ଜାତୀୟ ଷ୍ଟାଡିୟମରେ ଖେଳାଯିବ । ଏନେଇ ଗୁରୁବାର ଅଭ୍ୟାସ ନିମନ୍ତେ ଷ୍ଟାଡିୟମରେ ପହଞ୍ଚିଥିଲେ ଭାରତୀୟ ଦଳ । ତାଙ୍କର ସ୍ବାଗତ ନିମନ୍ତେ ଅନେକ ଭାରତୀୟ ଫ୍ୟାନ୍ସ ଷ୍ଟାଡିୟମରେ ପହଞ୍ଚିଥିଲେ । ସେମାନଙ୍କ ମଧ୍ୟରେ ସୁଧୀର ଗୌତମ ବି ସାମିଲ ଥିଲେ ।
ଫ୍ୟାନ୍ସମାନେ ଇଟିଭି ଭାରତ ସମ୍ମୁଖରେ ନିଜର ପ୍ରତିକ୍ରିୟା ରଖିଛନ୍ତି । ପ୍ରଥମ ଟି-20 ମ୍ୟାଚକୁ ନେଇ ବେଶ୍ ଉତ୍ସାହିତ ଥିବା କହିଛନ୍ତି । ସୁଧୀର ଇଟିଭି ଭାରତ ଆଗରେ ନିଜର ପ୍ରତିକ୍ରିୟା ରଖି କହିଛନ୍ତି ଯେ, ଏହି ମ୍ୟାଚରେ ସମସ୍ତ ଖେଳାଳିଙ୍କ ଉପରେ ଭରସା ଅଛି ।
ନିଜ ଅନ୍ଦାଜରେ ଟିମ ଇଣ୍ଡିଆର ଆତ୍ମବିଶ୍ବାସ ବଢାଇ ସେ କହିଛନ୍ତି ଯେ, ଏହା କେବଳ ଶଙ୍ଖ ନୁହେଁ। ଜଙ୍ଗ-ଏ-ଏଲାନ । ଟିମ ଇଣ୍ଡିଆ ସବୁଠାରୁ ମହାନ ।
ଏଥିସହ ଆଉ ଜଣେ ଫ୍ୟାନ୍ସ କହିଛନ୍ତି ଯେ, ବିରାଟଙ୍କୁ ଦେଖିବାକୁ ଷ୍ଟାଡିୟମ ଆସିଥିଲି । ସେ ନିଶ୍ଚିୟ ରନ କରିବେ । ସେହିଭଳି ଆଉ ଏକ ଫ୍ୟାନ୍ସ କହିଛନ୍ତି ଯେ, ଭାରତ ନିଶ୍ଚୟ ମ୍ୟାଚ ଜିତିବ । ବିରାଟ ଓ ରୋହିତ ଶତକୀୟ ପାଳି ଖେଳିବେ । ନହେଲେ ଅର୍ଦ୍ଧଶତକ ପାଳି ଖେଳିବେ ହିଁ ଦୃଢତାର ସହ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
