ବାର୍ମିଂହାମ: ଇଂଲଣ୍ଡଠାରୁ ପରାସ୍ତ ପରେ ବିଶ୍ବକପର 40ତମ ମ୍ୟାଚରେ ବାଂଲାଦେଶକୁ ଭେଟୁଛି ଭାରତୀୟ ଦଳ । ଆଜିର ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି ଭାରତୀୟ ଅଧିନାୟକ । ଦଳରେ ଦୁଇଟି ବଡ ପରିବର୍ତ୍ତନ ହୋଇଛି ।
କେଦାର ଯାଦବଙ୍କ ଖରାପ ପ୍ରଦର୍ଶନ ପାଇଁ ତାଙ୍କ ସ୍ଥାନରେ ଦିନେଶ କାର୍ତ୍ତିକଙ୍କୁ ଡକାଯାଇଛି । ସେହିପରି ପ୍ରଭାବୀ ପ୍ରଦର୍ଶନ କରିନଥିବା କୁଳଦୀପ ଯାଦବଙ୍କ ସ୍ଥାନରେ ଭୁବନେଶ୍ବର କୁମାରଙ୍କୁ ସ୍ଥାନ ମିଳିଛି । ଅନ୍ୟପଟେ ଆଜି ମ୍ୟାଚ ବାଂଲାଦେଶ ପାଇଁ କର ବା ମର ହୋଇଥିବାରୁ ଭାରତୀୟ ଦଳର ବିପର୍ଯ୍ୟୟ ଘଟାଇବା ପାଇଁ ଉଦ୍ୟମ କରିବ ।
- ଭାରତୀୟ ଏକାଦଶ: ରୋହିତ ଶର୍ମା, ଲୋକେଶ ରାହୁଲ, ବିରାଟ କୋହଲି(ଅଧିନାୟକ), ଋଷଭ ପନ୍ତ, ଦିନେଶ କାର୍ତ୍ତିକ୍, ମହେନ୍ଦ୍ର ସିଂ ଧୋନି, ହାର୍ଦ୍ଦିକ ପାଣ୍ଡ୍ୟା, ଭୁବନେଶ୍ବର କୁମାର, ଜସପ୍ରୀତ ବୁମରା, ୟୁଜବେନ୍ଦ୍ର ଚହଲ୍, ମହମ୍ମଦ ସାମି ।
- ବାଂଲାଦେଶ ଦଳ: ମଶ୍ରାଫି ମୋର୍ତ୍ତାଜା (ଅଧନାୟକ), ସାକିବ ଅଲ ହାସନ, ସୌମ୍ୟ ସରକାର, ତାମିମ୍ ଇକ୍ବାଲ, ମହମ୍ମଦ ସୈଫୁଦ୍ଦିନ, ମୁସ୍ତାଫିଜୁର ରହିମ୍, ରୁବେଲ ହୋସେନ, ସବିର ରହମାନ, ଲିଟନ ଦାସ, ମୁସ୍ତାଫିଜୁର ରହେମାନ, ମୋସ୍ତାକେ ହୁସେନ ।
