କଟକ: ବାରବାଟୀ ଦିନିକିଆରେ ଟିମ ଇଣ୍ଡିଆ ଓପନର ରୋହିତ ଶର୍ମା ଏକ ବିରଳ ରେକର୍ଡର ଅଧିକାରୀ ହୋଇଛନ୍ତି। ରୋହିତ କ୍ରିକେଟର ସମସ୍ତ ଫର୍ମାଟରେ ଓପନର ଭାବେ ଗୋଟିଏ କ୍ୟାଲେଣ୍ଡର ବର୍ଷରେ, ସର୍ବାଧିକ ରନ ହାସଲକାରୀ ବ୍ୟାଟ୍ସମ୍ୟାନ ହୋଇଛନ୍ତି। ଫଳରେ ପୂର୍ବତନ ଶ୍ରୀଲଙ୍କା କ୍ରିକେଟର ସନଥ ଜୟସୁରିୟାଙ୍କ 22 ବର୍ଷ ତଳର ରେକର୍ଡ ଭଙ୍ଗ ହୋଇଛି।
ବର୍ଷ 1997ରେ ଜୟସୁରିୟା 2387 ରନ ସହ ଓପନର ଭାବେ ସର୍ବାଧିକ ରନ ହାସଲର ରେକର୍ଡ କରିଥିଲେ। ବାରବାଟୀ ମ୍ୟାଚ ପୂର୍ବରୁ ଏହି ରେକର୍ଡ ଠାରୁ ରୋହିତ ମାତ୍ର 9 ରନ ପଛରେ ରହିଥିଲେ। ବାରବାଟୀରେ ଭାରତ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଉଥିବା ସିରିଜ ନିର୍ଣ୍ଣାୟକ ମ୍ୟାଚରେ 316 ରନ ପିଛା କରୁଛି ଟିମ ଇଣ୍ଡିଆ।2 ଭାରତୀୟ ଓପନର 13 ଓଭର ସୁଦ୍ଧା ଓପନିଂ ଯୋଡିରେ 82 ରନ ଯୋଡି ସାରିଛନ୍ତି।
