କଟକ: ପ୍ରାୟ 2ବର୍ଷ ପରେ ବାରବାଟୀକୁ ଫେରିଛି ଆନ୍ତଜାର୍ତିକ ଦିନିକିଆ ମ୍ୟାଚ । ସେଥିପାଇଁ ଷ୍ଟାଡିୟମରେ ମ୍ୟାଚ ଦେଖିବାକୁ କ୍ରିକେଟ ପ୍ରେମୀଙ୍କ ମଧ୍ୟରେ ଦେଖାଯାଇଛି ଅହେତୁକ ଉତ୍ସାହ । ଭାରତ-ୱେଷ୍ଟଇଣ୍ଡିଜ ବାରବାଟୀ ଦିନିକିଆ ମ୍ୟାଚ ଟିକେଟ ଆଜି ଓସିଏ ପକ୍ଷରୁ ଅନଲାଇନରେ ବିକ୍ରି ହୋଇଛି ।
ଟିକେଟ ପାଇଁ 2ଟି ୱେବସାଇଟ (www.paytm.com /www.insider.in) ଆପର ବ୍ୟବସ୍ଥା ହୋଇଥିଲା । ମାତ୍ର ସନ୍ଧ୍ୟା 5 ପର୍ଯ୍ୟନ୍ତ ୱେବସାଇଟ ଜାମ ରହିଥିବା ନେଇ ଅଭିଯୋଗ ହୋଇଛି । ତେବେ ମାତ୍ର ଅଧଘଣ୍ଟା ପାଇଁ ୱେବସାଇଟରେ ଟିକେଟ ବୁକିଂ ସହଜ ହୋଇଥିଲା ବୋଲି କୁହାଯାଉଛି । ଏହି ସମୟ ମଧ୍ୟରେ ପ୍ରାୟ 8000ରୁ ଅଧିକ ଅନଲାଇନ ଟିକେଟ ବୁକିଂ ହୋଇଥିବା ଜଣାପଡିଛି ।
ଜାଣନ୍ତୁ କେଉଁ ଗ୍ୟାଲେରୀରେ କେତେ ସଂଖ୍ୟକ ଟିକେଟ ରହିଥିଲା ।
2ନଂ ଗ୍ୟାଲେରୀରେ ଟିକେଟର ମୂଲ୍ୟ 500ସହ (18 ପ୍ରତିଶତ ଜିଏସଟି) ରହିଥିଲା । ଏହି ଗ୍ୟାଲେରୀରେ 3000 ଟିକେଟ ବିକ୍ରି ପାଇଁ ରହିଥିଲା ।
4ନଂ ଗ୍ୟାଲେରୀରେ 3000 ଟିକେଟ 500 ଟଙ୍କା ମୂଲ୍ୟ ସହ (18 ପ୍ରତିଶତ ଜିଏସଟି) ବିକ୍ରି ପାଇଁ ରହିଥିଲା ।
ଗ୍ୟାଲେରୀ ନଂ 6ରେ 1500 ଟିକେଟ 400 ଟଙ୍କା ମୂଲ୍ୟରେ ରହିଥିଲା ।
ନ୍ୟୁ ପାଭିଲିୟନ ଫାଷ୍ଟ ଫ୍ଲୋରରେ 50ଟି ଟିକେଟ ମୂଲ୍ୟ 5000ସହ (18 ପ୍ରତିଶତ ଜିଏସଟି) ବିକ୍ରି ପାଇଁ ରହିଥିଲା ।
ସ୍ପେଶିଆଲ ଏନକ୍ଳୋଜର-ଏ ରେ 500ଟି ଟିକେଟ ମୂଲ୍ୟ 3000(18 ପ୍ରତିଶତ ଜିଏସଟି) ସହ ବିକ୍ରି ପାଇଁ ରହିଥିଲା ।
ଏସି ବକ୍ସ ଗ୍ୟାଲେରୀ ନଂ4ରେ 100ଟି ଟିକେଟ ମୂଲ୍ୟ 5000ସହ (18 ପ୍ରତିଶତ ଜିଏସଟି)ଅନଲାଇନ ବିକ୍ରି ପାଇଁ ରଖାଯାଇଥିଲା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
