ରାଞ୍ଚି: ଦକ୍ଷିଣ ଆଫ୍ରିକା ବିପକ୍ଷ ଘରୋଇ ଟେଷ୍ଟ ଶୃଙ୍ଖଳାର ତୃତୀୟ ତଥା ଅନ୍ତିମ ଟେଷ୍ଟ ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ କରୁଛି ଘରୋଇ ଦଳ । ଧୋନିଙ୍କ ହୋମ ଗ୍ରାଉଣ୍ଡ ରାଞ୍ଚିଠାରେ ଖେଳା ଯାଉଛି ଏହି ଟେଷ୍ଟ ମ୍ୟାଚ । ସୂଚନାନୁସାରେ, ଅନ୍ତିମ ଟେଷ୍ଟ ପାଇଁ ମାତ୍ର 3ହଜାର ଟିକେଟ ବିକ୍ରି ହୋଇଛି । ତେବେ ଧୋନିଙ୍କ ଅନୁପସ୍ଥିl ପାଇଁ ଏହି ପ୍ରଭାବ ପଡିଥିବା ଚର୍ଚ୍ଚା ହେଉଛି ।
ଧୋନି ନାହାଁନ୍ତି ବୋଲି ମାତ୍ର 3 ହଜାର ଟିକେଟ ବିକ୍ରି । ଏହା ଧୋନିଙ୍କ ହୋମ ଗ୍ରାଉଣ୍ଡ । ତେବେ ଟେଷ୍ଟରୁ ଅବସସର ନେଇସାରଥିବା ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନି ମ୍ୟାଚ ଦେଖିବାକୁ ଆସିବେ ବୋଲି ଖବର ରହିଥିଲା । ଧୋନିଙ୍କ ଗୋଟେ ଝଲକ ପାଇବାକୁ ଫ୍ୟାନ୍ସ ଉତ୍ସାହିତ ରହିଥିଲେ । ମାତ୍ର ଧୋନିଙ୍କ ଆସିବା ଖବର ଚୁଡାନ୍ତ ନ ହୋବରୁ ଲୋକେ ମ୍ୟାଚ ଦେଖିବାକୁ ଆସି ନଥିବା ଚର୍ଚ୍ଚା ହେଉଛି । ଅନ୍ୟପଟେ 3ମ୍ୟାଚ ବିଶିଷ୍ଟ ସିରିଜକୁ 2-0ରେ ଘରୋଇ ଦଳ ଜିତିସାରିଥିବା ବେଳେ ଏହା କେବଳ ଔପଚାରିକ ମ୍ୟାଚ ହୋଇଛି । ତେବେ ଟିକେଟ ବିକ୍ରି କମିବାର ଏହା ଅନ୍ୟ ଏକ କାରଣ ବୋଲି ଚର୍ଚ୍ଚା ହେଉଛି ।
ତେବେ ଅକ୍ଟୋବର 15ତାରିଖଠାରୁ ଟିକେଟ ବିକ୍ରି ଆରମ୍ଭ ହୋଇଥିଲେ ମଧ୍ୟ ଟିକେଟ କାଉଣ୍ଟରେ ଲମ୍ବା ଧାଡି ଦେଖିବାକୁ ମିଳିନଥିଲା । ସମାନ ପରିସ୍ଥିତି 2017 ଅଷ୍ଟ୍ରେଲିଆ ବିପକ୍ଷ ଟେଷ୍ଟ ମ୍ୟାଚରେ ହୋଇଥିଲା । ଘରୋଇ ଦଳ ସିରିଜ ହାରିସାରିଥିବାରୁ ଷ୍ଟାଡିୟମରେ ଟିକେଟ ବିକ୍ରି କମ ହୋଇଥିଲା । ତେବେ କମ ସଂଖ୍ୟାରେ ଟିକେଟ ବିକ୍ରି ଷ୍ଟାଡିମୟ ଭବିଷ୍ୟତ ଉପରେ ପ୍ରଶ୍ନବାଚୀ ଆଣିଛି । ଯଦି ଏମିତି କମ ସଂଖ୍ୟକ ଟିକେଟ ବିକ୍ରି ହୁଏ, ତେବେ ରାଞ୍ଚିରେ ଟେଷ୍ଟ ମ୍ୟାଚ ସଂଖ୍ୟ କମ ହୋଇପାରେ।
