ବିଶାଖାପାଟନାମ: 3 ମ୍ୟାଚ ବିଶିଷ୍ଟ ଗାନ୍ଧୀ-ମାଣ୍ଡେଲା ଟେଷ୍ଟ ସିରିଜର ପ୍ରଥମ ମ୍ୟାଚରେ ବିଜୟୀ ହୋଇଛି ଭାରତ । ଫଳରେ ଭାରତ ସିରିଜରେ 1-0ରେ ଆଗୁଆ ହୋଇଛି । 395 ରନର କଷ୍ଟସାଧ୍ୟ ବିଜୟଲକ୍ଷ୍ୟ ଦକ୍ଷିଣ ଆଫ୍ରିକା ସାମ୍ନାରେ ରଖିଥିଲା ଭାରତ । ଶେଷ ଦିନରେ ଭାରତ ବିଜୟ ପାଇଁ 9 ୱିକେଟ ଆବଶ୍ୟକ କରୁଥିଲା ।
ତେବେ ଭାରତୀୟ ବୋଲରଙ୍କ ଘାତକ ବୋଲିଂ ସାମ୍ନାରେ ବେଶୀ ସମୟ ତିଷ୍ଠି ପାରିନଥିଲା ଭ୍ରମଣକାରୀ ଦଳ ଦକ୍ଷିଣ ଆଫ୍ରିକା । ଜାଡେଜା ଓ ସାମିଙ୍କ ଜବରଦରସ୍ତ ବୋଲିଂ ଆଗରେ ଆତ୍ମସମର୍ପଣ କରିଥିଲା ପୁରା ଟିମ । 191ରନରେ ସମସ୍ତ ୱିକେଟ ହରାଇଥିଲା ଡୁପ୍ଳେସିସଙ୍କ ଦଳ । ଫଳରେ 203 ରନର ବଡ ବ୍ୟବଧାନରେ ଭାରତ ବିଜୟୀ ହୋଇଛି ।
203 ରନରେ ଜିତିଲା ଭାରତ
2ୟ ଇନିଂସରେ ଭାରତ ପକ୍ଷରୁ ସାମି 5ଟି, ଜାଡେଜା 4ଟି ଓ ଅଶ୍ବିନି ଗୋଟିଏ ୱିକେଟ ଅକ୍ତିଆର କରିଥିଲେ । ରୋହିତ ଶର୍ମା ପ୍ଲେଆର ଅଫ ଦି ମ୍ୟାଚ ହୋଇଛନ୍ତି । ମ୍ୟାଚର ଉଭୟ ଇଂନିସରେ ରୋହିତ ଶତକ ହାସଲ କରିଥିଲେ ।
