କୋଲକାତା: ଭାରତ-ବାଂଲାଦେଶ ମଧ୍ୟରେ ଖେଳାଯାଇଥିବା ପିଙ୍କ ଟେଷ୍ଟର 2ୟ ଦିନର ଖେଳ ଜାରି ରହିଛି । ତେବେ ଭାରତ 347/9ରେ ପ୍ରଥମ ପ୍ରଥମ ଇଂନିସ ଘୋଷଣା କରିଛି । ଦଳ ପକ୍ଷରୁ କ୍ୟାପଟେନ କୋହଲି 136 ରନର ଦମଦାର ଶତକୀୟ ପାଳି ଖେଳିଛନ୍ତି । ପୁଜାରା 55 ଓ ରାହାଣେ 51 ରନର ଅର୍ଧଶତକୀୟ ପାଳି ଖେଳିଛନ୍ତି । ବାଂଲାଦେଶ ପକ୍ଷରୁ ଅଲଅମିନ ହୁସେନ ଓ ଇବାଦତ ହୁସେନ ସର୍ବାଧିକ 3ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ଆବୁ ଜାୟଦ 2ଟି ଓ ତୈଜୁଲ ଇସଲାମ ଗୋଟିଏ ୱିକେଟ ହାସଲ କରିଛନ୍ତି ।
ପୂର୍ବରୁ ବାଂଲାଦେଶ ପ୍ରଥମ ବ୍ୟାଟିଂ କରି ମାତ୍ର 106 ରନରେ ଅଲଆଉଟ ହୋଇଯାଇଥିଲା । ତେବେ ଭାରତର ପାଳି ଘୋଷଣା ପରେ ବାଂଲାଦେଶ 2ୟ ଇଂନିସ ବ୍ୟାଟିଂ କରୁଛି । ମାତ୍ର ପ୍ରଥମ ଇଂନିସ ପରି 2ୟ ଇଂନିସରେ ମଧ୍ୟ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି ଭ୍ରମଣକାରୀ ଦଳ ।
