ଇନ୍ଦୋର: ଓପନର ମୟଙ୍କ ଅଗ୍ରୱାଲଙ୍କ ଜବରଦସ୍ତ ଶତକୀୟ ଇଂନିସ ବଳରେ ଦୃଢ ସ୍ଥିତିରେ ପହଞ୍ଚିଛି ଭାରତ । 28 ବର୍ଷୀୟ ମୟଙ୍କ 15 ଚୌକା ଓ ଗୋଟିଏ ଛକା ସହାୟତାରେ କ୍ୟାରିୟର 3ୟ ଶତକ ହାସଲ କରିଛନ୍ତି। ଇନ୍ଦୋରସ୍ଥିତ ହୋଲକାର ଷ୍ଟାଡିୟମରେ ଭାରତୀୟ ପେସ ବୋଲରଙ୍କ ଜଲଓ୍ବା ପରେ ଦେଖିବାକୁ ମିଳିଛି ମୟଙ୍କ ଶୋ।
86/1ରୁ 2ୟ ଦିନର ବ୍ୟାଟିଂ ଆରମ୍ଭ କରିଥିଲା ଭାରତ । ତେବେ ଅର୍ଧଶତକ ହାସଲ କରି ପୂଜାରା ନିଜର ୱିକେଟ ହରାଇଥିଲେ । 91 ରନରେ ଭାରତ 2ୟ ୱିକେଟ ହରାଇଥିଲା । ପରେ କ୍ୟାପଟେନ କୋହଲି ଶୀଘ୍ର ଆଉଟ ହୋଇଥିଲେ । ତେବେ ରାହାଣେ ଓ ମୟଙ୍କ ଧୈର୍ଯ୍ୟପୂର୍ଣ୍ଣ ବ୍ୟାଟିଂ କରି ଭାରତୀୟ ଇଂନିସକୁ ଆଗକୁ ବଢାଇଥିଲେ । ଉଭୟଙ୍କ ମଧ୍ୟରେ ଶତକୀୟ ପାର୍ଟନରସିପ ହୋଇଛି । ରାହାଣେ ଅର୍ଧଶତକ ପୂରଣ କରିଥିବା ବେଳେ ମୟଙ୍କ ଆଉ ଏକ ଦ୍ବିଶତକ ଆଡକୁ ଅଗ୍ରସର ହୋଇଛନ୍ତି । ବାଂଲାଦେଶ ବୋଲରଙ୍କୁ ଉଭୟ ଖେଳାଳି ଉଚିତ ମୁକାବିଲା କରି ପ୍ରଭାବହୀନ କରିଛନ୍ତି ।
