ଇନ୍ଦୋର: ଭାରତ ବିପକ୍ଷରେ ବାଂଲାଦେଶ ଆଇସିସି ଟେଷ୍ଟ ଚମ୍ପିଆନସିପ ଅଭିଯାନ ଆରମ୍ଭ କରିଛି । ବାଂଲାଦେଶ କ୍ୟାପଟେନ ମୋମିନୁଲ ହକ ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି କରିଥିଲେ । ତେବେ ଇନ୍ଦୋର ଫର୍ମରେ ଥିବା ଭାରତୀୟ ପେସରଙ୍କ ଜବରଦସ୍ତ ବୋଲିଂ ଦେଖିବାକୁ ମିଳିଛି ।
ଇଶାନ୍ତ ଶର୍ମା, ଉମେଶ ଯାଦବ ଓ ମହମ୍ମଦ ସାମି ବାଂଲାଦେଶ ବ୍ୟାଟ୍ସମ୍ୟାନଙ୍କୁ ଅଡୁଆରେ ପକାଇଛନ୍ତି । ଓପନର ସଦମାନ ଇସଲାମ ଓ ଇମରୁଲ କାଇସ ଶୀଘ୍ର ଆଉଟ ହୋଇ ପାଭିଲିୟନ ଫେରିଛନ୍ତି । ସଦମାନ ମାତ୍ର 6 ରନ କରି ଇଶାନ୍ତ ଶର୍ମାଙ୍କ ବଲରେ ୱିକେଟ କିପର ଶାହାଙ୍କୁ କ୍ୟାଚଦେଇ ୱିକେଟ ହରାଇଥିଲେ । 2ୟରେ ଇମରୁଲ 6 ରନ କରିଥିବା ବେଳେ ଉମେଶ ଯାଦବଙ୍କ ତାଙ୍କୁ ଆଉଟ କରିଛନ୍ତି । ମହମ୍ମଦ ମିଥୁନ 13 ରନ କରି ସାମିଙ୍କ ଶୀକାର ହୋଇଛନ୍ତି । କ୍ୟାପଟେନ ମୋମିନୁଲ ହକ ଓ ଅଭିଜ୍ଞ ମୁସଫିକର ରହିମ ବ୍ୟାଟିଂ ଭାରତୀୟ ବୋଲରଙ୍କ ମୁକାବିଲା ଜାରି ରଖିଛନ୍ତି ।
