ଦିଲ୍ଲୀ: ଭାରତ-ବାଂଲାଦେଶ ପ୍ରଥମ ଟି20 ଅରୁଣ ଜେଟଲି ଷ୍ଟାଡିୟମରେ ଖେଳାଯାଉଛି । ବାଂଲାଦେଶ ସାମ୍ନାରେ 149ରନର ବିଜୟ ଲକ୍ଷ୍ୟ ରଖିଛି ଭାରତ । ଟସ ଜିତି ପ୍ରଥମେ ବାଂଲାଦେଶ କ୍ୟାପଟେନ ମହମ୍ମଦୁଲ୍ଲା ବୋଲିଂ ନିଷ୍ପତ୍ତି କରିଥିଲେ । ଏହାପରେ ଆମନ୍ତ୍ରଣ ପାଇ ବ୍ୟାଟିଂ କରିଥିଲା ଭାରତ । ତେବେ ଭାରତୀୟ ଇଂନିସର ପ୍ରଥମ ଓଭରରେ ହିଁ ବଡ ଝଟକା ଲାଗିଥିଲା । ଦଳୀୟ ସ୍କୋର ମାତ୍ର 10 ରନ ଥିବାବେଳେ 9 ରନ କରି ଆଉଟ ହୋଇଥିଲେ ରୋହିତ ।
ଏହାପରେ ରାହୁଲ 15 ଶ୍ରେୟସ ଆୟର 22 ରନ କରି ପାଭିଲିୟନ ଫେରିଥିଲେ । ଶିଖର ଧାୱନ 41 ରନର ଇଂନିସ ଖେଳି ଦୁର୍ଭାଗ୍ୟପୂର୍ଣ୍ଣ ଭାବେ ରନ ଆଉଟ ହୋଇଥିଲେ । ତେବେ ଶେଷ ଭାଗରେ ରିଷଭ ପନ୍ତ ଲଢେଇ ଜାରି ରଖି ଭାରତର ସ୍କୋରକୁ 100 ପାର କରାଇଥିଲେ । ମାତ୍ର ଭାରତୀୟ ପାଳିର ହିରୋ ରହିଛନ୍ତି ୱାସିଂଟନ ସୁନ୍ଦର । ମାତ୍ର 5 ବଲରେ 14 ରନ କରିଥିଲେ । ଫଳରେ ଭାରତର ସ୍କୋର 148ରେ ପହଞ୍ଚିଥିଲା । ମ୍ୟାଚରେ ବାଂଲାଦେଶ ବୋଲର ଶାଣୀତ ବୋଲିଂ କରିଥିଲେ ।
ମ୍ୟାଚରେ ବାଂଲାଦେଶ ବୋଲର ଶାଣୀତ ବୋଲିଂ କରିଥିଲେ । ଦଳ ପକ୍ଷରୁ ସାଫିଉଲ ଇସଲାମ 2ଟି ଓ ଆମିନୁଲ ଇସଲାମ 2ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ସ୍ପିନର ଏଫିଫ ହୁସେନ 3 ଓଭଲରେ ମାତ୍ର 11 ରନ ବ୍ୟୟ କରି ଗୋଟିଏ ୱିକେଟ ସହ ଭାରତୀୟ ବ୍ୟାଟ୍ସମ୍ୟାନଙ୍କୁ ବଡ ସଟ ଖେଳିବାକୁ ଦେଇନଥିଲେ ।
