ଆଣ୍ଟିଗୁଆ: ବିଜେପିର ଆଉ ଜଣେ ବରିଷ୍ଠ ନେତାଙ୍କ ଶନିବାର ପରଲୋକ ଘଟିଛି । ନୂଆଦିଲ୍ଲୀସ୍ଥିତ ଏମ୍ସ ମେଡିକାଲରେ ଶେଷ ନିଶ୍ବସ ତ୍ୟାଗ କରିଛନ୍ତି ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟଲୀ । ତାଙ୍କ ବିୟୋଗରେ କ୍ରୀଡାଜଗତ ସମ୍ପୂର୍ଣ୍ଣ ସ୍ତବ୍ଧ ହୋଇଯାଇଛି ।
ଏନେଇ ଭାରତୀୟ କ୍ରିକେଟ ଦଳର ଅଧିନାୟକ କୋହଲିଙ୍କଠାରୁ ଆରମ୍ଭ ବିସିସିଆଇ ପର୍ଯ୍ୟନ୍ତ ସମସ୍ତେ ଟ୍ବିଟ କରି ଜେଟଲୀଙ୍କୁ ଶ୍ରଦ୍ଧାଞ୍ଜଳୀ ଜଣାଇଛନ୍ତି । ଏଥି ସହିତ ଏଠାରେ ଚାଲିଥିବା ଇଣ୍ଡିଜ୍ ବିପକ୍ଷ ପ୍ରଥମ ଟେଷ୍ଟ ମ୍ୟାଚରେ କଳା ବ୍ୟାଚ (ଆର୍ମବ୍ରାଣ୍ଡ) ପରିଧାନ କରି ପଡିଆକୁ ଓହ୍ଲାଇଛି ଭାରତୀୟ ଦଳ ।
ତେବେ ଆଜି ମ୍ୟାଚର ତୃତୀୟ ଦିନ । ପ୍ରଥମେ ବ୍ୟାଟିଂ କରିଥିବା ଭାରତୀୟ ଦଳ ତାର ପ୍ରଥମ ପାଳିରେ 297ରନ କରିଥିଲା । ଜବାବ୍ରେ 222ରନ କରି ଅଲଆଉଟ ହୋଇଯାଇଛି ଘରୋଇ ଦଳ । ଫଳରେ ପ୍ରଥମ ପାଳି ଆଧାରରେ 75ରନରେ ଆଗୁଆ ରହିଛି ଅତିଥି ବିରାଟ ବାହିନୀ ।
