ପୋଚେଫଷ୍ଟ୍ରୁମ୍ (ଦକ୍ଷିଣ ଆଫ୍ରିକା): 19 ବର୍ଷରୁ କମ ବିଶ୍ବକପ ଫାଇନାଲରେ ଭାରତ । ମଙ୍ଗଳବାର ଖେଳାଯାଇଥିବା ସେମିଫାଇନାଲରେ ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନକୁ 10 ଓ୍ବିକେଟରେ ହରାଇଛି ଭାରତ । ମ୍ୟାଚରେ ଓପନର ଜସଶ୍ବୀ ଜୟସ୍ବାଲ ଜବରଦସ୍ତ ଶତକ (105*) ହାସଲ କରିଛନ୍ତି ।
ପାକିସ୍ତାନ ପ୍ରଥମେ ବ୍ୟାଟିଂ କରି 172ରନ କରିଥିବାବେଳେ ଭାରତ ସାମ୍ନାରେ 173 ରନର ବିଜୟ ଲକ୍ଷ୍ୟ ଧାର୍ଯ୍ୟ କରିଥିଲା । ତେବେ କୌଣସି ୱିକେଟ ନ ହରାଇ ବିଜୟ ଲକ୍ଷ୍ୟ ହାସଲ କରିଛି ଟିମ ଇଣ୍ଡିଆ । ଦୁଇ ଓପନର ଯଶସ୍ବୀ ଜୟସ୍ବାଲ ଶତକ ଓ ଦିବ୍ୟାଂଶ ସକ୍ସେନାଙ୍କ ଅର୍ଦ୍ଧଶତକ ବଳରେ ଭାରତ ବିଜୟ ହାସଲ କରିବାରେ ସକ୍ଷମ ହୋଇଛି ।
ସେପଟେ ଫେବୃଆରୀ ୬ ତାରିଖରେ ନ୍ୟୁଜିଲାଣ୍ଡ ଓ ବାଂଲାଦେଶ ମଧ୍ୟରେ ଦ୍ବିତୀୟ ସେମିଫାଇନାଲ ମ୍ୟାଚ ଖେଳାଯିବାକୁ ଥିବାବେଳେ ଫେବୃଆରୀ ୯ରେ ଖେଳାଯିବ ଫାଇନାଲ ମ୍ୟାଚ । ନ୍ୟୁଜିଲାଣ୍ଡ ଓ ବାଂଲାଦେଶ ମଧ୍ୟରୁ ଯେଉଁ ଦଳ ବିଜୟ ଲାଭ କରିବ, ସେ ଆସନ୍ତା 9 ତାରିଖରେ ଭାରତକୁ ଭେଟିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
