କାନବେରିଆ: ବହୁ ପ୍ରତିକ୍ଷିତ ଭାରତ ଅଷ୍ଟ୍ରେଲିଆ ଟେଷ୍ଟ ସିରିଜକୁ ନେଇ ଉତ୍ସାହ ବୃଦ୍ଧିପାଇଛି । ଷ୍ଟାଡିୟମରେ ଦର୍ଶକ ନରହିବା ଯୋଗୁଁ ଏହି ସିରିଜ ଗ୍ରହଣୟୀତା ହରାଇବା ନେଇ ଚର୍ଚ୍ଚା ହେଉଥିଲା । ମାତ୍ର ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମରିସନଙ୍କ ନିଷ୍ପତି ଫ୍ୟାନ୍ସଙ୍କ ମନରେ ଉତ୍ସାହ ଭରିଦେଇଛି ।
ପ୍ରଧାନମନ୍ତ୍ରୀ ସ୍କଟ ମରିସନ, ଶୁକ୍ରବାର ଷ୍ଟାଡିୟମରେ ଦର୍ଶକଙ୍କୁ ଅନୁମତି ନେଇ ସବୁଜ ସଙ୍କେତ ପ୍ରଦାନ କରିଛନ୍ତି । 40,000 ଦର୍ଶକ କ୍ଷମତା ଥିବା ଷ୍ଟାଡିୟମରେ 10,000 ଦର୍ଶକଙ୍କୁ ଅନୁମତି ମିଳିପାରିବ ବୋଲି ମରିସନ ସ୍ପଷ୍ଟ କରିଛନ୍ତି ।
ଭାରତୀୟ ଟିମ ଚଳିତ ବର୍ଷ ଶେଷ ଭାଗରେ ଡିସେମ୍ବର 3ରେ ଅଷ୍ଟ୍ରେଲିଆ ଗସ୍ତ କରିବାର ସୂଚୀ ରହିଛି । 4 ମ୍ୟାଚ ବିଶିଷ୍ଟ ବର୍ଡର-ଗାଭାସ୍କର ଟ୍ରଫି ଗାବା, ଆଡିଲେଡ ଏମସିଜି ଓ ଏସସିଜି ଗ୍ରାଉଣ୍ଡରେ ଖେଳାଯିବା ନେଇ ଘୋଷଣା ହୋଇଛି ।
କୋରୋନା ଭାଇରସ ସ୍ଥିତି ଅଷ୍ଟ୍ରେଲିଆରେ ନିୟନ୍ତ୍ରଣାଧୀନ ହୋଇଥିବା ନେଇ ପ୍ରଧାନମନ୍ତ୍ରୀ ମରିସନ ଓ ମୁଖ୍ୟ ସ୍ବାସ୍ଥ୍ୟ ଅଧିକାରୀ ମିଳିତ ଭାବେ ସୂଚନା ଦେଇଛନ୍ତି ।
ଏହାପରେ ଅଷ୍ଟ୍ରେଲିଆ କ୍ରିକେଟ ବୋର୍ଡ ଭାରତ ବିପକ୍ଷ ଟେଷ୍ଟ ସିରିଜ ଓ ଟି-20 ବିଶ୍ବକପର ସଫଳ ଆୟୋଜନ ନେଇ ତତ୍ପରତା ଦେଖାଇଛି ।
ତେବେ ଆଇସିସି ପକ୍ଷରୁ ଟି-20 ବିଶ୍ବକପ 2020 ଆୟୋଜନ ନେଇ ଚୁଡାନ୍ତ ନିଷ୍ପତିକୁ ଅପେକ୍ଷା ରହିଛି । ଟି-20 ବିଶ୍ବକପ ଅକ୍ଟୋବର 18ରୁ ନଭେମ୍ବର 15 ପର୍ଯ୍ୟନ୍ତ ହେବାନେଇ, ସୂଚୀ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
