ବର୍ଲିନ: ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ଷ୍ଟିଭ ୱ ଭାରତୀୟ କ୍ରିକେଟ ଟିମ୍କୁ ନେଇ ଦେଇଛନ୍ତି ବଡ ବୟାନ। ଘରୋଇ ପରିବେଶରେ ଭାରତ ପାଖରେ ରହିଛି ବିଶ୍ବର ଶ୍ରେଷ୍ଠ ବୋଲିଂ ଆଟାକ ବୋଲି କହିଛନ୍ତି ଏହି ଭେଟେରାନ କ୍ରିକେଟର।
54 ବର୍ଷିୟ ପୂର୍ବତନ ଅଷ୍ଟ୍ରେଲିଆ କ୍ୟାପଟେନ ଟିମ ଇଣ୍ଡିଆର ସ୍ପିଡଷ୍ଟାର ଜଶପ୍ରିତ ବୁମରାଙ୍କ ପ୍ରଶଂସାରେ ଶତମୁଖ ହୋଇଛନ୍ତି। ଏଥିସହିତ ବୁମରାଙ୍କ ବୋଲିଂ ଆକ୍ସନରେ ପରିବର୍ତ୍ତନ ନ ହେବା ଉଚିତ। ଏହା ଅନନ୍ୟ ବୋଲି କହିଛନ୍ତି ଷ୍ଟିଭ ୱ। ବୁମରା ଆହ୍ବାନକୁ ଗ୍ରହଣ କରିବା ସହ ୱିକେଟ ଅକ୍ତିଆର କରିବାକୁ ସର୍ବଦା ପ୍ରୟାସ କରିଥାନ୍ତି। ଭାରତୀୟ ଦଳ ବୁମରାଙ୍କୁ ନେଇ ବେଶ ଶକ୍ତିଶାଳୀ। କ୍ୟାପଟେନ ବିରାଟ କୋହଲି ବୁମରାଙ୍କ ଭଳି ବୋଲରଙ୍କୁ ଟିମରେ ପାଇ ସୌଭଗ୍ୟଶାଳୀ ହୋଇଥିବା କହିଛନ୍ତି ଷ୍ଟିଭ ୱ।
