ଅହମ୍ମଦାବାଦ: ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ଇଂଲଣ୍ଡ ବିପକ୍ଷ 5ମ ଟି20କୁ 36 ରନରେ ଜିତିବା ସହ ଟି20 ସିରିଜକୁ ଭାରତ 3-2ରେ ବିଜୟୀ ହୋଇଛି ଭାରତ । ଏହା ଭାରତର ଷଷ୍ଠ ସଫଳ ଟି20 ସିରିଜ ବିଜୟ ।
5 ମ୍ୟାଚ ବିଶିଷ୍ଟ ଏହି ଟି20 ସିରିଜରେ ଅନେକ ରେକର୍ଡ ଭଙ୍ଗ ହୋଇଛି ଓ ନୂତନ ରେକର୍ଡ ପୁରୁଣାର ସ୍ଥାନ ନେଇଛି ।
ତେବେ ନଜର ପକାନ୍ତୁ ସଦ୍ୟ ସମାପ୍ତ ହୋଇଥିବା ଟି20 ସିରିଜରେ କିଛି ଆକର୍ଷଣୀୟ ରେକର୍ଡ ଉପରେ...
1. କ୍ରିକେଟର ଛୋଟ ଫର୍ମାଟରେ ଏହା ଭାରତର କ୍ରମାଗତ ଷଷ୍ଠ ସିରିଜ ବିଜୟ ।
2. 5 ମ୍ୟାଚ ବିଶିଷ୍ଟ ସିରିଜରେ ଇଂଲଣ୍ଡ ବିପକ୍ଷରେ ଭାରତୀୟ ଟିମ 16 ଜଣ ଖେଳାଳିଙ୍କ ବ୍ୟବହାର କରିଛି । ଏହି ସଂଖ୍ୟା ଟି20 କ୍ରିକେଟରେ ଭାରତୀୟ ଟିମରେ ସର୍ବାଧିକ ।
3. ରୋହିତ ଶର୍ମା ଟି20 କ୍ରିକେଟରେ ଦ୍ବିତୀୟ ସର୍ବାଧିକ ରନ ସଂଗ୍ରହକାରୀ ବ୍ୟାଟ୍ସମ୍ୟାନ । ଇଂଲଣ୍ଡ ବିପକ୍ଷ ଶେଷ ଟି20 ମ୍ୟାଚରେ 64 ରନର ଇଂନିସ ଖେଳିଥିଲେ ରୋହିତ ।
ଅନ୍ତର୍ଜାତୀୟ ଟି20ରେ ସର୍ବାଧିକ ରନ:
- ବିରାଟ କୋହଲି (3159)
- ରୋହିତ ଶର୍ମା (2864)
- ମାର୍ଟିନ ଗୁପ୍ଟିଲ (2839)
ଟି20 କ୍ରିକେଟରେ ଗୋଟିଏ ଇଂନିସରେ 5ରୁ ଅଧିକ ଛକା ଲଗାଇଥିବା ଖେଳାଳି:
- ରୋହିତ ଶର୍ମା (ଭାରତ): 10
- କ୍ରିସ ଗେଲ୍ (ୱେଷ୍ଟଇଣ୍ଡିଜ): 9
- କଲିନ ମନ୍ରୋ(ନ୍ୟୁଜିଲାଣ୍ଡ): 9
ରୋହିତ ଶର୍ମା 64 ରନର ଇଂନିସରେ 5ଟି ଆକର୍ଷଣୀୟ ଛକା ଲଗାଇଥିଲେ । ତେବେ 10ମ ଥର ପାଇଁ ରୋହିତ ଗୋଟିଏ ଇଂନିସରେ 5 କିମ୍ବା ଅଧିକ ଛକା ଲଗାଇଛନ୍ତି ।
କ୍ୟାପଟେନ ଭାବେ ଟି20 କ୍ରିକେଟରେ ସର୍ବାଧିକ ରନ
- ବିରାଟ କୋହଲି (ଭାରତ): 1502
- ଆରୋନ ଫିଞ୍ଚ(ଅଷ୍ଟ୍ରେଲିଆ): 1462
- କେନ ୱିଲିୟମସନ(ନ୍ୟୁଜିଲାଣ୍ଡ): 1383
ବିରାଟ କୋହଲି କ୍ୟାପଟେନ ଭାବେ ଟି20 କ୍ରିକେଟରେ ସର୍ବାଧିକ ରନ କରିଛନ୍ତି । ବର୍ଷ 2017ରେ ଭାରତୀୟ ଟିମର କ୍ୟାପଟେନ ସାଜିଥିଲେ ରୋହିତ । ଏଯାବତ 45ଟି ମ୍ୟାଚରୁ 48.45 ହାରରେ 1502 ରନ୍ ସଂଗ୍ରହ କରିଛନ୍ତି ।
ଅନ୍ତର୍ଜାତୀୟ ଟି20ରେ ସର୍ବାଦିକ ଥର 80ରୁ ଅଧିକ ରନ
- ରୋହିତ ଶର୍ମା : 9
- ବିରାଟ କୋହଲି: 7
- କ୍ରିସ ଗେଲ୍/ ମାର୍ଟିନ ଗୁପ୍ଟିଲ: 6
5ମ ଟି20ରେ କୋହଲି 52 ବଲ୍ରୁ ଅପରାଜିତ 80 ରନର ଇଂନିସ ଖେଳିଥିଲେ । ସପ୍ତମ ଥର ଟି20ରେ କୋହଲି 80ରୁ ଅଧିକ ରନ କରିଛନ୍ତି ।
ଅନ୍ତର୍ଜାତୀୟ ଟି20ରେ 1000 ରନ ପୂରଣରେ ଦ୍ରୁତତମ ବ୍ୟାଟ୍ସମ୍ୟାନ
- ଡେୱିଡ ମଲାନ: 24 ଇଂନିସ
- ବିରାଟ କୋହଲି: 26 ଇଂନିସ
- ବାବାର ଆଜମ: 27 ଇଂନିସ
ଭାରତ ବିପକ୍ଷ 5ମ ଟି20ରେ ଡେୱିଡ ମଲାନ 1000 ଟି20 ରନ ପୂରଣ କରିବାରେ ଦ୍ରୁତତମ ବ୍ୟାଟ୍ସମ୍ୟାନ ହେବାର ରେକର୍ଡ କରିଛନ୍ତି ।
ଗୋଟିଏ ଟି20 ସିରିଜରେ ସର୍ବାଧିକ ରନ ରେକର୍ଡ
- ବିରାଟ କୋହଲି ବନାମ ଇଂଲଣ୍ଡ(5 ଇଂନିସ) 231 ରନ, 2021
- କେଏଲ ରାହୁଲ ବନାମ ନ୍ୟୁଜିଲାଣ୍ଡ(5 ଇଂନିସ) 224 ରନ, 2020
- କଲିନ ମନ୍ରୋ ବନାମ ୱେଷ୍ଟଇଣ୍ଡିଜ (3 ଇଂନିସ) 223 ରନ, 2018
- ହାମିଲଟନ ମସାକାଜଡା ବନାମ ବାଂଲାଦେଶ (4 ଇଂନିସ) 224 ରନ, 2016
ଭାରତୀୟ କ୍ୟାପଟେନ ବିରାଟ କୋହଲି 5ଟି ମ୍ୟାଚରୁ 231 ରନ ସଂଗ୍ରହ କରିଛନ୍ତି । କୋହଲିଙ୍କ ଠାରୁ କୌଣସି ଖେଳାଳି ଗୋଟିଏ ଟି20 ସିରିଜରେ ଅଧିକ ରନ କରିନାହାନ୍ତି ।
ବିରାଟ ମଧ୍ୟ ବିଶ୍ବର ପ୍ରଥମ କ୍ୟାପଟେନ ଭାବେ ଗୋଟିଏ ଟି20 ସିରିଜରେ 200ରୁ ଅଧିକ ସ୍କୋର କରିଛନ୍ତି ।
ଏସିଆରେ ସର୍ବାଧିକ ଅନ୍ତର୍ଜାତୀୟ ରନ୍
- 21741 - ସଚିନ ତେନ୍ଦୁଲକର
- 18423 - କୁମାର ସାଙ୍ଗାକାରା
- 17386 - ମାହେଲା ଜୟବର୍ଦ୍ଧନେ
- 13757 - ରାହୁଲ ଦ୍ରାବିଡ
- 13000 - ବିରାଟ କୋହଲି
ବିରାଟ କୋହଲି ଅନ୍ତର୍ଜାତୀୟ କ୍ରିକେଟରେ ଏସିଆରେ 13000 ରନ ପୂରଣ କରିଛନ୍ତି । ଷଷ୍ଠ ଖେଳାଳି ଭାବେ ଏହି ମାଇଲଷ୍ଟୋନକୁ ଅତିକ୍ରମ କରିଛନ୍ତି କୋହଲି ।
ସର୍ବାଧିକ ଥର କ୍ରମାଗତ ଟି20 ସିରିଜ ବିଜୟ
ଭାରତ 3-2ରେ ଇଂଲଣ୍ଡ ବିପକ୍ଷ ଟି20 ସିରିଜରେ ବିଜୟୀ ହୋଇଛି । ଏହା ଟିମ ଇଣ୍ଡିଆର ଷଷ୍ଠ କ୍ରମାଗତ ସଫଳତମ ସିରିଜ ବିଜୟ । ଏହି ବିଜୟ ଧାରା 2019/20ରୁ ଆରମ୍ଭ ହୋଇଥିଲା । 3 ମ୍ୟାଚ ବିଶିଷ୍ଟ ଘରୋଇ ସିରିଜରେ ବାଂଲାଦେଶକୁ 2-1, ପରେ ୱେଷ୍ଟଇଣ୍ଡିଜକୁ 2-1, ଶ୍ରୀଲଙ୍କାକୁ 2-0ରେ ହରାଇଥିଲା ଭାରତ । ପରେ 2020 ଜାନୁଆରୀ-ଫେବ୍ରୁଆରୀରେ 5-0ରେ ନ୍ୟୁଜିଲାଣ୍ଡ ବିପକ୍ଷରେ ଜିତିଥିଲା ଭାରତ । ପରେ ଅଷ୍ଟ୍ରଲିଆକୁ 2-1ରେ ହରାଇବା ପରେ ଘରୋଇ ମାଟିରେ ଇଂଲଣ୍ଡକୁ ହରାଇଛି ।
ବର୍ଷ 2019 ଠାରୁ ଅନ୍ତର୍ଜାତୀୟ ଟି20ରେ ସବୁଠୁ ସଫଳତମ ଦଳ ହେଉଛି ଭାରତ ।
ପୂର୍ବରୁ ପାକିସ୍ତାନ ନାମରେ ସର୍ବାଧିକ 11 କ୍ରମାଗତ ସିରିଜ ବିଜୟର ରେକର୍ଡ ରହିଛି । 2017-18 ସିଜିନରେ 7ଟି ସିରିଜ ବିଜୟ ସହ ଭାରତ ଏହି ତାଲିକାରେ ଦ୍ବିତୀୟରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
