ସିଡନି: ଅଷ୍ଟ୍ରେଲିଆ ଓ ଭାରତ ମଧ୍ୟରେ 3ୟ ଟି-20 ସିଡନି କ୍ରିକେଟ ଗ୍ରାଉଣ୍ଡରେ ଖେଳାଯାଉଛି । ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ମାଥ୍ୟୁ ୱେଡଙ୍କ ଦମଦାର 80 ରନର ଇଂନିସ ବଳରେ 186 ରନ ସଂଗ୍ରହ କରିଛି । ଫଳରେ ଭାରତ ସାମ୍ନାରେ 187 ରନର ବିଜୟ ଲକ୍ଷ୍ୟ ରହିଛି ।
ଗ୍ଲେନ ମାକ୍ସୱେଲ ମଧ୍ୟ 36 ବଲରୁ 54 ରନର ଧୁଆଁଧାର ଇଂନିସ ଖେଳିଛନ୍ତି । ତେବେ କ୍ୟାପଟେନ ଫିଞ୍ଚ ବିନା କୌଣସି ରନରେ ୱାସିଂଟନ ସୁନ୍ଦରଙ୍କ ଶିକାର ହୋଇଥିଲେ । ଷ୍ଟିଭ ସ୍ମିଥ 24 ରନର ଯୋଗଦାନ କରିଥିଲେ ।
ଭାରତ ପକ୍ଷରୁ ୱାସିଂଟନ ସିନ୍ଦର ସର୍ବାଧିକ 2ଟି ୱିକେଟ ହାସଲ କରିଛନ୍ତି । ଟି. ନଟରାଜନ ଓ ଶାର୍ଦ୍ଦୁଳ ଠାକୁରଙ୍କୁ ଗୋଟିଏ ଲେଖାଏଁ ସଫଳତା ମିଳିଛି ।
3 ମ୍ୟାଚ ବିଶିଷ୍ଟ ସିରିଜରେ ଭାରତ 2-0ରେ ଆଗୁଆ ରହିଛି । ଫଳରେ 3ୟ ମ୍ୟାଚରେ ବିଜୟ ସହ କ୍ଲିନସୁଇପ ଲକ୍ଷ୍ୟରେ ରହିଛି ବିରାଟବାହିନୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
