ଲଣ୍ଡନ: ନାଲି ବଲ, ଧଳା ଜର୍ସି କିନ୍ତୁ ବଦଳି ଯିବ ଜର୍ସିର ପଛ ପଟ ଚିତ୍ର । ହ୍ୱାଇଟ କ୍ରିକେଟରେ ହେବାକୁ ଯାଉଛି ବଡ ପରିବର୍ତ୍ତନ । ଟେଷ୍ଟ ଜର୍ସିରେ ଲେଖାଯିବ ଖେଳାଳିଙ୍କ ନାମ ଓ ଜର୍ସି ନମ୍ବର । ଆଗାମୀ ଆସେସ୍ ସିରିଜରୁ ଏହାର ଶୁଭାରମ୍ଭ ହେବାକୁ ଯାଉଛି । ଏନେଇ ଇଂଲଣ୍ଡ କ୍ରିକେଟ ବୋର୍ଡ ଓ ଆଇସିସି ସୂଚନା ଦେଇଛି ।
ଦିନିକିଆ ଓ ଟି-20 ଫର୍ମାଟରେ ଖେଳାଳିଙ୍କ ଜର୍ସିରେ ନାମ ଓ ନମ୍ବର ଲେଖା ହୋଇଆସୁଥିଲା । ମାତ୍ର ଟେଷ୍ଟ କ୍ରିକେଟରେ ସେହି ପୁରୁଣା ପରମ୍ପରା ଚାଲିଆସୁଥିଲା । ମାତ୍ର ଏହାର ଅନ୍ତ ହେବାକୁ ଯାଉଛି । ତେବେ ଏନେଇ ଇଂଲଣ୍ଡ କ୍ରିକେଟ ବୋର୍ଡ ଏକ ଫଟୋ ଟ୍ବିଟ କରି ଟେଷ୍ଟ ଜର୍ସିର ନୂଆ ରୂପ ସେୟାର କରିଛି । ଯେଉଁଥିରେ ଜୋ ରୁଟ୍ଙ୍କ ଜର୍ସି ପଛରେ ତାଙ୍କ ନାମ ଓ ତାଙ୍କ ଜର୍ସି ନମ୍ବ 66 ବୋଲି ଲେଖା ରହିଛି ।
ତେବେ ଆଗାମୀ ଅଗଷ୍ଟ 1ରୁ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ହେବାକୁଥିବା ଆସେସ ସିରିଜରୁ ଏହା ଲାଗୁ ହେବ ।
