ଲଣ୍ଡନ: ବ୍ରାଜିଲ ଫୁଟବଲ ଦଳର ପୂର୍ବତନ ଅଧିନାୟକ ତଥା ଚେଲସିଆ କ୍ଲବର ଡିଫେଣ୍ଡର ଡେଭିଡ୍ ଲୁଇଜ୍ ବିରାଟ କୋହଲିଙ୍କୁ ଆଗାମୀ ବିଶ୍ବକପ ପାଇଁ ଶୁଭେଚ୍ଛା ଜଣାଇଛନ୍ତି । ଏଥି ସହିତ ସେ ଭାରତୀୟ ବିଶ୍ବକପ ଦଳକୁ ମଧ୍ୟ ବେଷ୍ଟ-ଅଫ ଲକ କହିଛନ୍ତି ।
ଭିଡିଓ ସୌଜନ୍ୟ- ଟ୍ବିଟର @FrankKhalidUK
ତେବେ ଏହି ଅଭିଜ୍ଞ ଫୁଟବଲର ନିଜ ଟ୍ବିଟର ଆକାଉଣ୍ଟରେ ଏକ ଶୁଭେଚ୍ଛା ଭିଡିଓ ପୋଷ୍ଟ କରିଛନ୍ତି । ଭିଡିଓରେ ସେ ବିରାଟଙ୍କୁ ଭାଇ ବୋଲି ସମ୍ବୋଧନ କରି କହିଛନ୍ତି । ଆଗାମୀ ବିଶ୍ବକପରେ ସେ କୋହଲିଙ୍କ ଟିମକୁ ସମର୍ଥନ କରିବେ ବୋଲି କହିଛନ୍ତି । ଲୁଇଜ୍ କହିଛନ୍ତି, “ବିଶ୍ୱକପ୍ ପାଇଁ ବିରାଟ୍ କୋହଲିଙ୍କୁ ଶୁଭକାମନା। ମୁଁ ଆପଣଙ୍କୁ ସମର୍ଥନ କରିବି । ଶୀଘ୍ର ସାକ୍ଷାତ ହେବ ।’
ସୂଚନାଯୋଗ୍ୟ, ୩୨ ବର୍ଷୀୟ ଲୁଇସ୍ ଚଳିତ ସପ୍ତାହରେ ୟୁରୋପ ଲିଗର ଫାଇନାଲରେ ଆର୍ସନଲ ବିପକ୍ଷରେ ମଇଦାନକୁ ଓହ୍ଲାଇବେ।
