ଦୁବାଇ: ପ୍ରକାଶ ପାଇଛି ଆଇସିସି ମହିଳା ଦିନିକିଆ ରାକିଂ । ଏଥିରେ ବୋଲିଂ ତାଲିକାରେ ଭାରତୀୟ ଖେଳାଳିଙ୍କ ଦବଦବା ଦେଖିବାକୁ ମିଳିଛି । ବୋଲିଂ ତାଲିକାର ଶ୍ରେଷ୍ଠ 10ମ ସ୍ଥାନ ମଧ୍ୟରେ ଭାରତର 3 ବୋଲର ରହିଛନ୍ତି । ଝୁଲଣ ଗୋସ୍ବାମୀ 691 ପଏଣ୍ଟ ସହ ଷଷ୍ଠ, ପୁନମ ଯାଦବ 679 ପଏଣ୍ଟ ସହ ସପ୍ତମ ଓ ଶିଖା ପାଣ୍ଡେ 675 ପଏଣ୍ଟ ସହ ଅଷ୍ଟମ ସ୍ଥାନରେ ରହିଛନ୍ତି । ତାଲିକାର ଶୀର୍ଷରେ ରହିଛନ୍ତି ଅଷ୍ଟ୍ରେଲିଆର ଜେସ ଜୋନାସେନ । 2ୟ ସ୍ଥାନରେ ଦକ୍ଷିଣ ଆଫ୍ରିକାର ମାରିଜେନ କାପ ଓ 3ୟ ସ୍ଥାନରେ ମେଗାନ ସ୍କଟ ରହିଛନ୍ତି ।
ବ୍ୟାଟିଂ ତାଲିକାରେ ଶ୍ରେଷ୍ଠ 10 ମଧ୍ୟରେ ଏକମାତ୍ର ଭାରତୀୟ ଖେଳାଳି ଭାବେ ଓପନର ସ୍ମୃତି ମାନ୍ଧାନା ରହିଛନ୍ତି । ମାନ୍ଧାନା 732 ପଏଣ୍ଟ ସହ 4ର୍ଥ ସ୍ଥାନରେ ରହିଛନ୍ତି । ବ୍ୟାଟିଂ ତାଲିକାର ପ୍ରଥମ ସ୍ଥାନରେ ରହିଛନ୍ତି ୱେଷ୍ଟଇଣ୍ଡିଜର ଷ୍ଟେଫିନ ଟେଲର । 2ୟ ସ୍ଥାନରେ ଅଷ୍ଟ୍ରେଲିଆର ଆଲିସା ହେଲି ଓ 3ୟରେ ଏଲିସ ପେରୀ ରହିଛନ୍ତି ।
